Çərşənbə axşamı , Oktyabr 26 2021
Ana səhifə / Cəbhə Xəbərləri / Laçında tutulan erməni hərbçi Ermənistana qaytarıldı – RƏSMİ

Laçında tutulan erməni hərbçi Ermənistana qaytarıldı – RƏSMİ

Aparılmış əlavə araşdırmalar nəticəsində məlum olub ki, 2021-ci il iyunun 8-də Ermənistan-Azərbaycan sərhədinin Laçın rayonu ərazisində saxlanmış Ermənistan silahlı qüvvələrinin hərbi qulluqçusu Artur Kartanyan Azərbaycan ərazisinə təxribat-diversiya məqsədilə daxil olmayıb. Onun yolunu azaraq Azərbaycan sərhədini keçməsi müəyyən olunub.

Bu barədə Azərbaycan Müdafiə Nazirliyi məlumat yayıb.

Məlumata görə, A.Kartanyanın ilkin dindirmə əsnasında özünü şübhəli apardığına və qeyri-dəqiq cavab verdiyinə görə onun Ermənistan silahlı qüvvələrinin diversiya qrupunun hərbi qulluqçusu olması barədə şübhələr yaranıb.

“Qeyd olunanları nəzərə alaraq, A.Kartanyan qarşı tərəfə geri təhvil verilib.

Bununla, Azərbaycan tərəfinin humanist davranışını növbəti dəfə nümayiş etdirərək ölkəmizə qarşı cinayət törətməmiş şəxsin geri qaytarılmasını təmin edirik”, – deyə məlumatda bildirilib.

Həmçinin oxuyun

Müdafiə Nazirliyinin ötən ilin bu həftəsi ilə bağlı icmalı – VİDEO

Azərbaycan Respublikası Müdafiə Nazirliyi ötən ilin bu həftəsi ilə bağlı görüntülər yayıb. Azinforum.az həmin görüntüləri təqdim …