Çərşənbə axşamı , May 11 2021
Ana səhifə / Cəbhə Xəbərləri / General: “Aprel döyüşlərində yaralananların hamısı xilas edilib”

General: “Aprel döyüşlərində yaralananların hamısı xilas edilib”

“Aprel döyüşlərində hospitala çatdırılan bütün yaralılar xilas edilib”.

APA-nın xəbərinə görə, bunu Müdafiə Nazirliyinin Tibb Baş İdarəsinin rəisi, general-mayor Natiq Əliyev “Azərbaycan ordusu” qəzetinə müsahibəsində deyib.

İdarə rəisinin sözlərinə görə, hətta ağır yaralılardan belə kimsə həyatını itirməyib: “Bu, böyük göstəricidir. Məlum zəfərimizdən sonra aprel döyüşlərinin statistikası aparılıb. Həmin döyüşlərin tibbi göstəricilərini Əfqanıstan və Çeçenistan müharibələrinin tibbi göstəriciləri ilə müqayisə etmişik. Nəticələr müqayisə edilməz dərəcədə yüksəkdir. Mürəkkəb yaraların, müştərək travmaların, ağır travmaların əməliyyatdan sonra sağalma göstəriciləri aprel döyüşlərində çox mükəmməl səviyyədə fərqlənib”.

General qeyd edib ki, mobil səhra hospitalında həm ixtisaslaşdırılmış tibbi yardım, həm də yüksək səviyyəli tibbi yardım göstərilir: “Bizim stasionar hospitalda etdiyimiz qarın boşluğu, döş qəfəsi cərrahiyyə əməliyyatları, neyrocərrahiyyə, göz və lor xəstəliklərinin bütün müayinələri, MRT-dən başqa diaqnostikanın bütün müayinələrini mobil hospitalda etmək mümkündür”.

Həmçinin oxuyun

Deputat Naira Zohrabyandan şok etiraf: “Müharibədə ölən ermənilərin sayı 5 min nəfərdən çoxdur”

“İkinci Qarabağ Müharibəsində ölən ermənilərin sayı 5000-dən çoxdur”. Yenisabah.az “Armenian News”a istinadla xəbər verir ki, bunu …