Bazar ertəsi , Yanvar 30 2023
Ana səhifə / Cəbhə Xəbərləri / Düşmənin 44 günlük müharibədəki itkilərinin sayı 7 min nəfərə yaxındır

Düşmənin 44 günlük müharibədəki itkilərinin sayı 7 min nəfərə yaxındır

Noyabrın 10-da, hərbi əməliyyatların dayandırılmasına dair üçtərəfli razılaşmanın əldə olunmasından sonra Qarabağda bu günə qədər 1059 erməni əsgərinin meyiti tapılıb. Rusiya sülhməramlı qüvvələrinin qərargahının açıqladığı məlumatda isə deyilir ki, qaynar xəttə 537 itkin erməni hərbçisi barədə müraciət daxil olub, bu məlumatlar axtarış dəstələrinə təqdim edilib.

Ermənistan Səhiyyə Nazirliyinin bir neçə həftə əvvəl açıqladığı məlumata görə şəxsiyyəti təsdiqlənərək dəfn edilmiş hərbçilərin sayı 2900 nəfərə yaxın idi. Həmin vaxt Dağlıq Qarabağdakı qondarma rejim də öz “ordusunun” rəsmən təsdiqlənən itkilərini açıqlamışdı-təxminən 1900 nəfərə yaxın. Beləliklə, döyüş zonalarından tapılan meyitləri və itkin düşənlər barədə rəqəmi də bunlara əlavə edəndə düşmənin 44 günlük müharibədəki itkilərinin sayı 7 min nəfərə yaxındır. Bu, Azərbaycan ordusunun itkilərindən 2 dəfədən də çoxdur. virtualaz.org

Həmçinin oxuyun

Ordunun mühəndis təminatını yerinə yetirən hərbçilərin bacarıqları təkmilləşdirilir – VİDEO

Müdafiə nazirinin təsdiq etdiyi plana uyğun olaraq mühəndis bölmələri ilə döyüş hazırlığı üzrə məşğələlər keçirilir. …