Ana səhifə / Cəmiyyət / “Mikrofonu başına vuraram, cırıq-cırıq olarsan, çaqqallar yığılıb şou yaradırlar…”

“Mikrofonu başına vuraram, cırıq-cırıq olarsan, çaqqallar yığılıb şou yaradırlar…”

“Xəzər televiziyasında yayımlanan “Təsir dairəsi” verilişində baş vermiş hadisələri efir vasitəsilə izləmək imkanım olmasa da, sosial şəbəkələrdə görmüşəm. Hər iki eksperti çox yaxşı tanıyıram. Amma bilmirəm ki, verilişdən əvvəl onların arasında nə problem yaşanıb? Konflikt nədən ibarətdir? Niyə bir-birlərinə su atıblar? Bütün bunların hamısı sual yaradır. Ümumiyyətlə televiziya bizim idealogiyamızı, dövlətçiliyimizi təbliğ edir, öyüd-nəsihət verən tribunadır. Orada millətin, xalqın problemləri öz həllini tapmalıdır. Çaqallar yığılıb orada şou yaradırlar. Belə hallara yol vermək olmaz, ayıbdır. Bizləri düşmənlərimiz də izləyir. Televiziya xalqın güzgüsüdür. Problem dinləyən, problem həll edən insan özü problem yaratmamalıdır”.

Bunu Moderator.az-a açıqlamasında xalq artisti Əli Nur deyib. O, daha sonra jurnalist Anar Vəziroğlu ilə illər əvvəl baş vermiş konfliktini xatırlayıb.

“İllər əvvəl onunla bir verilişdə çıxış edirdim. Bu adam deyir ki, Səməd Vurğun, Hüseyn Cavid, Əhməd Cavad şair deyil. Sən kimsən oturub milli mənəviyyatımızı belə tənqid edəsən?! Mikrofonu götürüb gəlib ona dedim ki, bunu vuraram başına, cırıq-cırıq olarsan. Onlar Azərbaycanda ən böyük milli-mənəvi dəyərlərdir. Bunu hamının gözü qabağında etdim. Elə insanların cavabını yerində vermək lazımdır” deyə sənətkar bildirib.

Xalq artisti bildirib ki, qəhrəmanlıq filmləri çəkmək vacibdir.

“2-ci Qarabağ müharibəsini mədəniyyətə daşımaq lazımdır. Filmlər çəkib, onları bütün televiziyalarda təbliğ etmək lazımdır. Mədəniyyət nümayəndələrimiz nə işlə məşğuldur? Ev alıb-satmaqla? Bütün dünyada ölkə mədəniyyəti ilə tanınır. Mədəniyyətin başında isə kino dayanır. Azərbaycan xalqının başına gətirilənlər haqda indiyə qədər filmlər çəkilməli idi. Çəkilənlər isə hələ ki, ortalıqda yoxdur, görməmişik” deyə xalq artisti bildirib.

Həmçinin oxuyun

Təcrübəsiz adamlar necə direktor olur? – “Dostluq, qohumluq əlaqələri…”

Son vaxtlar məktəb və kollec direktorlarının fəaliyyətində nöqsan aşkarlanması və bu səbəbdən həmin vəzifəli şəxslərin …