Cümə axşamı , Mart 28 2024
Ana səhifə / Cəmiyyət / Bu gün Leyla Əliyevanın ad günüdür – Fotolar

Bu gün Leyla Əliyevanın ad günüdür – Fotolar

 

Bu gün Azərbaycan prezident İlham Əliyevin böyük qızı, Heydər Əliyev Fondunun vitse-prezidenti, “Baku” jurnalının baş redaktoru, ictimai xadim Leyla Əliyevanın ad günüdür.
O həm də Rusiya Azərbaycanlı Gənclər Təşkilatının (RAGT) sədri, İslam Əməkdaşlıq Təşkilatının Gənclər Forumunun baş əlaqələndiricisi, “Ətraf mühitin mühafizəsi naminə beynəlxalq dialoq” İctimai Birliyinin təsisçisi, Bakı Beynəlxalq Multikulturalizm Mərkəzi Himayəçilik Şurasının üzvüdür.
L.Əliyeva 3 iyul 1985-ci ildə Moskva şəhərində anadan olub. Bakıda 160 saylı məktəbdə orta təhsil alıb. İsveçrədə və Böyük Britaniyada ali təhsilini davam etdirib. 2006-2008-ci illərdə Moskva Dövlət Beynəlxalq Münasibətlər İnstitutunda politologiya fakültəsinin dünya siyasəti ixtisası üzrə magistr pilləsini bitirib.
Leyla Əliyeva 2007-ci il mayın 10-dan Rusiyada Heydər Əliyev Fondunun Rusiya filialının rəhbəri kimi ictimai fəaliyyət göstərir.
İctimai xadim olan dövlət başçısının övladının fəaliyyəti bununla yekunlaşmır. O, həm də 2008-ci il mayın 8-dən start götürmüş “Xocalıya ədalət” kampaniyasının təşəbbüskarıdır. Bu kampaniya ermənilərin azərbaycanlıların başına gətirdikləri müsibətlərin dünyaya tanıdılması istiqamətində fəaliyyət göstərir.
L.Əliyeva 2011-ci ildən Heydər Əliyev Fondunun vitse-prezidentidir.
O, 2011-ci il, iyulun 4-də Azərbaycan Respublikası Prezidentinin Sərəncamı ilə Azərbaycan diasporunun inkişafı sahəsindəki xidmətlərinə gorə “Tərəqqi” medalı ilə təltif olunub.
Leyla Əliyeva yaradıcılıq işləri ilə də məşğuldur. Belə ki, o şeirlər yazır, gözəl rəsm əsərləri çəkir.
 /ANSPRESS/

 

Həmçinin oxuyun

Bakı meriyasında müşavirə keçirilib, bu şəxsə şiddətli töhmət verilib

Bakı Şəhər İcra Hakimiyyətində martın 26-da Binəqədi rayonunda qadının liftin qapıları arasında qalaraq ölməsi faktı …

Bir cavab yazın