TƏBİB İdarə Heyətinin sədri Ramin Bayramlı Naxçıvan Muxtar Respublikasında koronavirusa yoluxanların sayını açıqlayıb.
Ramin Bayramlı gündəlik təqdim edilən rəqəmlərin içərisində Naxçıvana aid göstəricilərin də yer aldığını bildirib.
Onun sözlərinə görə, bu günə qədər Muxtar Respublikada 104 koronavirusa yoluxma faktı qeydə alınıb, 4 nəfərin müalicəsi hazırda davam edir.
TƏBİB sədri bu günə qədər qeydə alınan xəstələr arasında hamilə qadınlar olduğunu qeyd edib:
“Onların arasında bir sıra riskli hamiləliyi olan qadınlar da var idi. Onlardan da ağırlaşma olan xəstə olmayıb”.