Ana səhifə / Bölgələr / Naxçıvanda 5-ci “Kətə” festivalı başa çatıb – FOTO

Naxçıvanda 5-ci “Kətə” festivalı başa çatıb – FOTO

Naxçıvanda 5-ci “Kətə” festivalı başa çatıb.

“Naxçıvanqala” Tarix-Memarlıq Muzey Kompleksində ənənəvi “Kətə” festivalı işini başa vurub.

Naxçıvan şəhəri və muxtar respublikanın rayonlarından 250-ə yaxın kətə ustası, o cümlədən təsərrüfat subyekti tərəfindən 60 çeşiddə kətə, 3 543-dən çox əl işləri və digər nümunələri hazırlanaraq minlərlə iştirakçıya təqdim edilib.

Ayrı-ayrı bölgələrin təbiətinə xas dağ pencərləri, səbzə-tərəvəz məhsullarından hazırlanan kətə nümunələri yüksək alıcılıq qabiliyyəti ilə diqqəti cəlb edib. Festivalda, həmçinin Naxçıvan mətbəxinin yaz fəslinə aid digər nümunələrindən, o cümlədən cacıq, gicitkən, yarpız, qazayağı, quzuqulağı, ispanaq, göbələk və digər müalicəvi bitkilərdən hazırlanan yeməklər də təklif edilib.

Muxtar respublikada milli mətbəx mədəniyyətinin və ənənəvi dəyərlərin yaşadılması, eləcə də təsərrüfatlara dəstək məqsədilə keçirilən “Kətə” festivalına gələnlər həm də təqdim olunan musiqi və rəqs nümunələrini də izləyib, istirahət gününü mənalı keçiriblər.

Qeyd edək ki, festivalın sonunda “Ən dadlı kətə” nominasiyası üzrə qaliblər də müəyyənləşib. Birinci yerə Şahbuz rayon sakini Ruhiyyə Abbasova, Culfa rayon sakini Müşkinaz Qafarova, Naxçıvan şəhər sakini Elman Süleymanov, ikinci yerə Ordubad rayon sakini Saniyə Həsənova, Şərur rayon sakini Günay Qasımova, Babək rayon sakini Şəhla Rzayeva, üçüncü yerin qalibləri isə Kəngərli rayon sakini Təranə İmranova, Sədərək rayon sakini Nailə Hacıyeva və Culfa rayon sakini Narı Talıbova layiq görülüblər. Qaliblərə diplomlar təqdim edilib.

Festivalda 35 600 manat dəyərində kətə, 32 654 manat dəyərində isə əl işləri və digər nümunələr satılıb.

Report

Həmçinin oxuyun

Lənkəranda bir neçə kəndin sakinləri yolsuzluqdan əziyyət çəkir

Lənkəranın Gəgiran, Tükəvilə, Diryan və daha bir neçə kəndi birləşdirən yol sıradan çıxıb. Kəndlilər deyirlər …