Azinforum.az İnformasiya Portalı Onlayn Xəbər Portalı
Aranlıq olduğu üçün, Bərdədə su dəyirmanı quraşdırmaq olduqca çətin işdir. Amma təqaüdçü İsmayıl Əliyev artıq 22 ildir Bərdənin Kələntərli kəndində dəyirman işlədir və onu daha da təkmilləşdirmək fikrindədir.
Müasir dünyamızda ekoloji cəhətdən təmiz və cana xeyirli məhsul tapmaq olduqca çətindir. Supermarketdə alış-veriş zamanı isə məhsulların üzərində kilometrlik inqrediyentlər siyahısı görürük.
Bərdənin Kələntərli kəndində üyüdülən unun inqrediyentləri arasında isə yalnız bir ad yazılıb – buğda, vəssalam. Ölkənin bütün rayonlarından, hətta xarici ölkələrdən bu unu sifariş edirlər, növbə tuturlar.
Amma bu dəyirmanın tarixçəsi başqadır. O vaxtlar usta işləyən İsmayıl Əliyev bu dəyirmanı 90-cı illərin əvvəlində çörəklə bağlı böhran zamanı kənd sakinlərinə kömək məqsədilə inşa edib. İndi isə təqaüdçü olan dəyirmançı onu daha da təkmilləşdirməyə çalışır və susuz işləyən dəyirman tikmək istəyir. İnsanlara köməyi isə indiyə qədər davam edin. Daha ətraflı videomuzda izləyin. Sputnik.az
