“Vaqonda yaşayan fəhlənin boynuna 33 kilo nəşə qoyublar”

Astara rayonunun Ərçivan kənd sakini Aslan Qasımov bir aydan çoxdur, narkotik ittihamı ilə həbs olunub. 

Anası Rəvayət Qasımova danışır ki, oğlu ailəsi ilə birlikdə bu vaqonda yaşayırdı. Fəhləlik edib, günə 10-15 manat qazanıb ailəsini dolandırırdı. İndi isə Aslanın həyat yoldaşı və 11 yaşlı oğlu hər gün çiyələk yığmağa gedirlər ki, evlərinə çörək gətirə bilsinlər.