Çərşənbə , Yanvar 20 2021
Ana səhifə / Bölgələr / Şəhid olmuş iki hərbçi Naxçıvanda dəfn olunub

Şəhid olmuş iki hərbçi Naxçıvanda dəfn olunub

Dekabrın 7-də Naxçıvan Beynəlxalq Hava Limanında şəhidlərimizin qarşılanma mərasimi olub.

Müdafiə Nazirliyindən verilən məlumata görə, Naxçıvan Muxtar Respublikası Ali Məclisinin sədri Vasif Talıbov tədbirdə iştirak edib.

Dövlət və hökumət nümayəndələri, Türkiyə Silahlı Qüvvələrinin Azərbaycan Respublikasındakı hərbi attaşe aparatının Naxçıvan Muxtar Respublikasındakı nümayəndəliyinin zabitləri və şəhidlərin ailə üzvləri tədbirdə iştirak ediblər. Şəhid olan hərbi qulluqçularımız – Əliyev İbrahim Mustafa oğlunun və Məmmədov Sahil Rasim oğlunun üçrəngli bayrağımıza bükülmüş cənazələri hərbçilərin müşayiəti ilə mərasim yerinə gətirilib. Şəhidlərimizin xatirəsi bir dəqiqəlik sükutla yad edilib. Ali Məclisin sədri şəhidlərin xatirəsinə ehtiramını bildirib.

Naxçıvan Əlahiddə Ümumqoşun Ordunun əsgərləri tərəfindən yaylım atəşi açılıb, “Qurani-Kərim”dən ayələr oxunub, şəhid cənazələrinin önündən keçilib. Sonra şəhidlərin cənazələri doğulduqları kəndlərə yola salınıb. Ali Məclisin sədri şəhidlərin ailə üzvləri ilə görüşərək onlara başsağlığı verib.

Həmçinin oxuyun

Oğlu döyüşdən qayıdan ananın sevincdən ürəyi dayandı – FOTO

“Oğlunun gəlişi münasibətilə şirniyyatlar bişirmişdi. Ancaq qismət olmadı, öz yasında süfrəyə qoyuldu”. Nurlan Quliyev 1998-ci …