Çərşənbə , Oktyabr 28 2020
Ana səhifə / Bölgələr / Qusar məhkəməsində qanunlar işləmir… – Prezidentə şikayət olundu

Qusar məhkəməsində qanunlar işləmir… – Prezidentə şikayət olundu

Qusar şəhəri, S.Stalski küçəsi ev 28-də yaşayan Yahyayeva Seda Vahiddin qızı tərəfindən sözügedən rayon Məhkəməsinin hakimi Rafiq Kazımovun cavabdeh Zahid Yahyayevlə gizli sövdələşməsinin dərhal qarşısının alınması və saxta ekspert rəyinə hüquqi qiymətin verilməsi barədə Azərbaycan Respublikasının Prezidenti İlham Əliyev cənablarına və Ədliyyə naziri Fikrət Məmmədova müraciət ünvanlanıb. Xanım şikayətçi üzləşdiyi problemin həll olunması ilə yanaşı, qanun pozuntusuna yol verən hakimin əməllərinin də ictimailəşdirilməsi üçün müraciətin bir surətini Aktualinfo.org onlayn qəzet redaksiyasına göndərib. Aktualinfo.org Seda Yəhyayevanın müraciətini olduğu kimi oxuculara təqdim edir. O,yazır:

Hörmətli Prezident və hörmətli Fikrət müəllim!
Mən, 2001-ci ildə adət-ənənə ilə toy edərək Qusar şəhəri, S.Stalski küçəsi, ev 28 ünvanda yerləşən evə gəlin köçərək Yahyayev Vahid Xeyirbəy oğlu ilə ailə həyatı qurdum. Nikahımızı 23.02.2003-cü ildə rəsmiləşdirdik. Birgə yaşadığımız dövrdə – 2003 və 2005-ci illərdə iki övladımız olmuşdur.
Həyat yoldaşım Vahid Yahyayev xəstəliyilə əlaqədar 03 mart 2009-cu ildə vəfat etmişdir. Vahidin vəfatından sonra iki azyaşlı uşaqla birlikdə 10 iyun 2017-ci ilədək ailə qurduğum bu evdə yaşadım. Lakin qaynım Zahid Yahyayev özünün evdə tək yaşamaq istədiyini bildirərək gecə məni uşaqlarla birlikdə zorakılıqla evdən qovmuşdur.
Xatırladım ki, hər iki əkiz qardaşın Vahid və Zahidin ailələrinin yaşadığı bu ev və həyətyanı torpaq sahəsi qaynatam Xeyirbəyin şəxsi mülkiyyətində olmuşdur. Qayınatam Xeyirbəy Vahiddən 2 il öncə vəfat etmiş və ərim Vahid faktiki olaraq vərəsə kimi miras qalmış əmlakı qəbul edərək ailəsilə həmin evdə yaşamağını davam etdirmişdir. Çox təəssüflər olsun ki, Vahidin ölümündən sonra Zahid Yahyayev miras qalmış evi və həyətyanı torpaq sahəsini Vahidin ailə üzvlərinin siyahısına daxil etmədən gizli olaraq miras əmlakı vərəsəlik qaydasında bizim razılığımız olmadan öz adına keçirmişdir. Buna görə də tərəfimdən qanun üzrə vərəsəlik haqqında şəhadətnamənin və ona əsasən verilmiş çıxarışın ləğv edilməsinə dair iddia tələbim Qusar rayon Məhkəməsinin 12.02.2018-ci il tarixli qətnaməsi əsasında təmin edilmişdir. Mübahisəli mənzildən 7 nəfər vərəsənin hər birinə 7/1 hissədə payları müəyyən edilmişdir. Elə mənə də evin 7/1 hissəsinə hüquq sahibi kimi 05.09.2018-ci il tarixli, 281809153 qeydiyyat nömrəsi olan, RX seriyalı 1352578 N-li çıxarış verilmişdir. Cavabdeh Zahidə də mübahisəli mənzilə 7/1 hissə mülkiyyət payı tanınaraq həmin çıxarışda adı qeyd edilmişdir.
Mənim 17 il ailəmlə birlikdə yaşadığım evdən qaynım Zahid tərəfindən zorakılıqla qovulmağımdan sonra Qusar rayon Məhkəməsinə verdiyim “ Evə və torpaq sahəsinə istifadə hüququmun tanınmaqla uşqalarla birlikdə həmin evə köçürülmə” tələbim barədə ərizəm 04 oktyabr 2017-ci il tarixində təmin edilmişdir. Sonradan cavabdeh tərəfindən verilən apellyasiya və kassasiya şikayətləri də təmin edilməmiş və mənim tələbim Ali Məhkəmənin sədrlik edən hakimi Qəhrəman Allahverdiyevin 05.06.2018-ci il tarixli, iş N-2(102)-3770/18 saylı qərarı ilə qüvvəsində saxlanılaraq icra olunması üçün Qusar rayon İcra şöbəsinə göndərilmişdir.

Yuxarı orqanlara çoxsaylı şikayətlərimdən sonra Qusar rayon İcra məmuru Elnur 1 il məni süründürdükdən sonra nazir Fikrət Məmmədovun göstərişi əsasında küçəyə atılmış ailəmi 17 il yaşadığımız evdə 21 kv.m olan otağa yerləşdirmişdir. İcra məmuru Elnur ona görə qəti formada məhkəmə qətnaməsini icra etməkdən ona görə imtina edirdi ki,

İş üzrə cavabdeh olmuş Zahid Yəhyayevin arvadının qardaşı Fuad Qusar rayon Məhkəməsinin sədri Adil Vəliyevin sürücüsüdür. Və İcra məmuru Elnurun arvadı da Fuadın qohumu olduğu üçün onun tərəfindən vaxtilə məhkəmənin əvvəlki sədri Telman Quliyevin dövründə sürücü Fuadın xahişilə məhkəmədə kargüzarlıq işinə qəbul edilmişdir. Yəni icra məmuru Elnur xanım qohumu olan sürücü Fuadın sözündən çıxa bilmədiyi üçün Ali Məhkəmənin qərarını icra etməkdən açıq-aşkar imtina etmişdir. Hələ iş bununla bitmir. Məhkəmə sədrinin sürücüsü olan Fuadın digər qohumu Hümmət də onun köməkliyilə Qusar rayon Məhkəməsinin hakimi Rafiq Kazımovun köməkçisi işinə düzəlmişdir. Yenə də sürücünün sədrə xahişi əsasında. Və son il yarımda Fuad hakim köməkçisi işləyən Hümmətin köməkliyi sayəsində bacısı əri Zahid üçün apellyasiya, kassasiya şikayətləri yazmaqda köməklik göstərmişdir.
“Qusar rayon Məhkəmə sədrinin sürücüsü Fuad adlı şəxsin həm yerli məhkəmə, həm də icra şöbəsində “at oynatması”nın qarşısını alan yoxdur…” Budur, mən ailəmlə hazırda mübahisəli 151 kv.m sahəsi olan 2 mərtəbəli evdə iki məktəbli övladımla birlikdə yaşasam da evin 7/6 payında yaşayan tək ər-arvad bizə mətbəxdən, dəhlizdən, sanitar qovşağı və hamamdan istifadə etməyə qoymurlar ki, bunların mənə aidiyyatı yoxdur. Ona görə də mən məcbur olub cavabdehlə bigə yaşadığımız evin və 400 kv.m sahəsi olan həyətyanı torpaq sahəsinin naturada bölünməsilə bağlı 2018-ci ilin dekabr ayında Qusar rayon Məhkəməsinə verdiyim iddiaya hakim Rafiq Kazımov icraata götürmüş və məslənin həlli üçün 13 ay əvvəl, 24 dekabr 2018-cil tarixində İnşaat-texniki ekspertizanın keçirilməsi barədə qərardad qəbul etmişdir. Və 23937 saylı, 13 dekabr 2019-cu il tarixli ekspert rəyindən görünür ki, hakim R.Kazımov iş materiallarını özündə 9 ay qanunsuz olaraq saxladıqdan sonra, yəni 20 sentyabr 2019-cu ildə ekspertizaya göndərmişdir. Yəni hakim açıq-aşkar bu məslənin uzadılmasında maraqlı tərəf olan cavabdehlə gizli sövdələşərək belə bir qanunsuz addım atmışdır. Digər tərəfdən təyin olunmuş tikinti-texniki ekspert Xəyal İsgəndərov da iş materiallarını özündə 3 ay saxladıqdan sonra, bizə xəbər vermədən cəmi bir dəfə mübahisələndirilən evə gəlmiş və yaşadığımız otağa baxmadan çıxıb getmişdir. Biz həyətdə onunla rastlaşanda isə yazdığı sənədə imza etməyi xahiş etmiş və söz vermişdir ki, tezliklə problemin həll olacaqdır. Budur 4 gün əvvəl mənə təqdim edilən 13 dekabr 2019-cu il tarixli ekspert rəyində isə yazıır ki, guya çıxarışı olan 151 kv.m olan mənzilin naturada böünməsi İnşaat Norma və Qaydasına əsasən mümkün olmamışdır. Və bu səbəbdən də həyətyanı torpaq sahəsini də tədqiq etmək mümkün olmamışdır.” Belə bir saxta ekspert rəyinə münasibət bildirmək üçün hakim R.Kazımov 30 yanvara məhkəmə prosesini davam etdirməyi planlaşdırır. Və nəticəsi əvvəlcədən bəlli olan bu məzhəkədə hakimin saxta və əsassız ekspert rəyi əsasında iddiamı təmin etməyəcəyi gün kimi hamıya bəllidir. Doğrudur, təkrar ekspertizanın keçirilməsilə bağlı hakimə yazılı vəsatət təqdim etməyimizə baxmayaraq hakim öz bildiyini edəcəkdir. Niyə? Ona görə ki, cavabdeh Zahid Yahyayevin bacısı İqtisadiyyat Nazirliyinin Qusar rayonu üzrə Ərazi Reyestr Xidməti İdarəsində işləyən baldızım Xətimə Xeyirbəy qızı hər yerdə bəyan edir ki, biz imkan verməyəcəyik ki, iddiakı Seda Yahyayeva atamızın mülkündən pay alıb yetimlərilə yaşaya bilsin. Mən gündəlik 150-200 manat pul qazaıram. Və imkan verməyəcəm ki, Sedanın iddiası məhkəmədə təmin edilsin. Dorudan da hadisələrin inkişafı göstərir ki, dövlət məmuru olan Xətimənin sözlərində həqiqətlər çoxdur. O vətəndaşlara çıxarışlar təşkil etməklə qazanıb öyündüyü pullarla mənə qarşı digər Qusar rayon Məhkəmə və İcra şöbəsində işləyən əqrəbalarına güvənərək mənə qarşı “Səlib yürüşü” təşkil edir. Ona görə cənab Prezidentdən və nazir Fikrət Məmmədovdan çox xahiş edirəm ki, mənim iddiam üzrə 30 yanvardan davam edəcək məhkəmə prosesinin ədalətli keçməsi üçün Qusar rayon Məhkəməsinin hakimi Rafiq Kazımovla cavabdeh Zahid Yahyayevlə gizli sövdələşməsinin dərhal qarşısının alınması və saxta ekspert rəyinə hüquqi qiymətin verilməsi ” barədə göstəriş verəsiniz. Sağ olun.

Həmçinin oxuyun

Bərdədə həlak olan Aysunun atası: “Getdim ki, uşaq yoxdur”

Oktyabrın 27-də Ermənistan silahlı bölmələrinin növbəti dəfə dinc sakinləri hədəfə alıb Bərdəni atəşə tutması zamanı …