Cümə axşamı , Dekabr 3 2020
Ana səhifə / Bölgələr / Partlayış qurbanlarının sayı artır – VİDEO

Partlayış qurbanlarının sayı artır – VİDEO

Gəncə şəhərinin Kəpəz rayonunda yaşayış binasında baş vermiş partlayış və uçqun nəticəsində həlak olanların sayı artır. Sputnik Azərbaycan-ın bölgə müxbiri xəbər verir ki, dağıntılar arasından daha 2 meyit çıxarılıb. Onlardan biri kişi, digəri qadındır.

Bununla həlak olanların sayı 3-ə çatıbş Daha bir nəfər isə ağır yaralı halda xəstəxanaya yerləşdirilib. Qurbanlarının sayının artacağı istisna edilmir.

Fövqəladə hallar naziri, general-polkovnik Kəmaləddin Heydərov Gəncə şəhərində qəza baş vermiş əraziyə gəlib

Fövqəladə hallar naziri, general-polkovnik Kəmaləddin Heydərov və Nazirliyin digər rəhbər şəxsləri hadisə yerinə gedib. Fövqəladə Hallar Naziriliyi xəbər verir ki, nazir Kəmaləddin Heydərov qəza-xilasetmə işlərinin gedişatı ilə yaxından tanış olub, xilasetmə tədbirlərinin daha operativ həyata keçirilməsi üçün müvafiq tapşırıqlar verib.​

Qeyd edək ki, bu gün səhər saatlarında Gəncə şəhərinin Kəpəz rayonunda dördmərtəbəli yaşayış binasında partlayış baş verib. Hadisə nəticəsində ölən və yaralananlar var.

(Sputnik)

Həmçinin oxuyun

Məşhur Çoban Xanışın bir Vətən uğrunda canını verən iki nəvəsi… – FOTO

Azərbaycan xalqının və dövlətinin, onun şanlı ordusunun torpaqlarımızın işğaldan azad edilməsi uğrunda apardığı Vətən savaşında …