Naxçıvanda Rahid Ələkbərli nazir təyin edildi

Naxçıvan Muxtar Respublikasında yeni rabitə və yeni texnologiyalar naziri təyin edilib. 

Naxçıvan MR Ali Məclisi sədrinin birinci müavini Azər Zeynalovun sərəncamı ilə Rahid Ələkbərli bu vəzifəyə gətirilib. 

Rahid Ələkbərli əslən Şahbuz rayonundandır. O, yeni təyinatadək “Bakı Beynəlxalq Dəniz Ticarət Limanı” QSC-nin baş informasiya direktoru vəzifəsində çalışıb.