Cümə , Yanvar 22 2021
Ana səhifə / Bölgələr / Birlikdə böyüyüb, birlikdə döyüşən əmioğlular – Biri şəhid, digəri qazi

Birlikdə böyüyüb, birlikdə döyüşən əmioğlular – Biri şəhid, digəri qazi

Uşaq vaxtından bir böyüyüb, bir məktəbə gedib, əsgərliyə bir yollanan əmioğluları sonda Vətən Müharibəsində də bir iştirak etdilər. Ancaq çox təəssüf ki, iki onlardan biri şəhid, digəri isə qazi oldu. Onlar eyni təvəllüdlü şəhid Xətai Hüseynov və qazi Ağaxan Hüseynovdur. Hər iki döyüşçü ailənin tək oğlan övladı olub.

Şəhid Xətai Hüseynovun atası Xaliq Hüseynov Trend-ə bildirib ki, oğlu son günə kimi müharibə gedən ərazidən uzaqda olduğunu söyləyib: “Xətai bizimlə danışanda ancaq deyirdi ki, məni boş verin, özünüz necəsiniz, Ağaxan necədi? Səhhətimlə bağlı mənə görə narahtlıq keçirirdi. Deyirdi ki, ata təki sən özünü qoru, mənim yerim yaxşıdır. Bizi nigaran saxlamasın deyə, hər zaman döyüşlərdən uzaq yerdə olduğunu bildirirdi. Şəhid olmamışdan bir gün əvvəl danışanda anasına dedi ki, mənimlə fəxr edəcəksiniz. Oğlumun 31 oktyabr tarixində şəhid olduğunu eşitdik”.

Qeyd edək ki, Xətai Hüseynov Tovuz rayonunun Qovlar şəhərindəndir. Son 30 ildə Qovlardan olan ilk şəhiddir.

Qazi Ağaxan Hüseynovun atası da Trend-ə bildirib ki, oğlu müharibədə bir dəfə yaralnıb, həkimlər onu sağaldandan sonra yenidən döyüşə qayıb: “Oğluma əmisi oğlunun şəhid olduğunu demirdik. Zəng edəndə bizimlə danışdığını, yaxşı olduğunu söyləyirdik. Onlar uşaq vaxtından bir yerdə böyüdüyü üçün bilmirdik bu məlumatı ona necə deyək. Ağaxan bir dəfə Füzuli istiqamətində döyüşlər zamanı yaralanıb, ancaq sonradan sağalaraq geri qayıdıb. Hazırda hərbi xidmətdədir, aprel ayında tərxis olunmalıdır”.

Beləliklə, uşaq vaxtından bir yerdə böyüyən əmi uşaqlarının həyat yolunu müharibə ayırdı. Biri şəhid, digəri isə qazi oldu…

Həmçinin oxuyun

Naxçıvanda Medianın İnkişafı Agentliyi yaradılır

Naxçıvan Muxtar Respublikası Ali Məclisinin sədri yanında Kütləvi İnformasiya Vasitələrinin İnkişafına Dövlət Dəstəyi Fondunun əsasında …