Ana səhifə / Bölgələr / Azərbaycanda orta məktəb: “Dəmir dayaq vurublar ki, aşmasın”

Azərbaycanda orta məktəb: “Dəmir dayaq vurublar ki, aşmasın”

Bura Saatlının Azadkənd tam orta məktəbidir.

Məktəbin binasının qəzalı vəziyyətdə olduğu deyilir.

Bu barədə Arqument.az-a Azadkənd sakinləri məlumat veriblər.

Onlar bildiriblər ki, 21-ci əsrdə Azərbaycanda belə bir məktəbin olması təhsil sistemi üçün utancdır.

Məktəb binasının bərbad halda olmasını əks etdirən görüntülərin içərisində bir şəkil daha çox diqqəti cəlb edir: qəzalı vəziyyətdə olan məktəb binasının divarına çöl tərəfdən dəmir dayaq qoyublar ki, aşmasın. 

“Yəni çöl tərəfə aşmasın, amma içəriyə, şagirdlərin başına aşsa da olar…”, – kənd sakinlərindən biri fikrini ironik ifadə edir.

Sakinlərin dediyinə görə, Azadkənd böyük kənddir və burada 1000-dən artıq təsərrüfatı var, amma 1967-ci ildə tikilən məktəb heç vaxt əsaslı şəkildə təmir olunmayıb. 

“İndi isə təmir etmək də mümkün deyil. Hər an uçmaq təhlükəsi var. Dərhal sökülməli və yeni məktəb binası tikilməlidir”, – sakinlər belə deyirlər. 

Təhsil Nazirliyinin mətbuat xidmətinin rəhbəri Cəsarət Valehov Arqument.az-a deyib ki, həmin məktəb plandadır, yenidən tikiləcək. 

Saatlı Rayon İcra Hakimiyyətindən isə münasibət öyrənmək mümkün olmayıb. 








Həmçinin oxuyun

Elmar Vəliyevin yarımçıq qalan oteli baxımsız vəziyyətdədir – Foto

Gəncə şəhərinin sabiq icra başçısı Elmar Vəliyevin Hacıkənddə inşa etdirdiyi otel kompleksində inşaat işləri dayandırılıb. …