Ana səhifə / Bölgələr / Azərbaycanda dəfn pulu kredit borcuna tutulub – Video

Azərbaycanda dəfn pulu kredit borcuna tutulub – Video

Ölmüş adama görə ödənilən dəfn pulu kredit borcuna yönləndirilib.
Bu iddia ilə Biləsuvar rayon sakini Faiq Əsgərov çıxış edib.
Onun sözlərinə görə, anası Elmira Abbasova oktyabr ayının 24-də vəfat edib. Faiq Əsgərov noyabr ayında anasının ölümü haqqında şahadətnaməni aidiyyəti quruma təqdim edib. Ona bildirilib ki, 720 manat məbləğində olan vəsait  poçt vasitəsi ilə ödəniləcək.
Lakin bir müddət sonra bu ödənişin yubanması ilə əlaqədar Faiq Əsgərov “142 çağrı mərkəzi”nə zəng edib. Ona bildirilib ki, adına cəmi 166 manat pul ayrılıb. Faiq iddia edir ki, vəfat etmiş anasının pensiya kartına köçürülən pulunun 554 manatı  kredit borcuna görə tutulub.
Məsələ ilə bağlı Dövlət Sosial Müdafiə Fondundan bildirilib ki, vətəndaşların hesabına köçürülən vəsaitlərdə Fond tərəfindən hər hansı tutulmalar aparılmır. Mərhum Elmira Abbasovanın 2022-ci ilin noyabr ayı üzrə əmək pensiyası tam məbləğdə köçürülüb.
Eyni zamanda, Elmira Abbasovanın vəfatı ilə bağlı dəfn xərci olaraq vəsait də onun vərəsəsi olan oğlunun hesabına tam məbləğdə köçürülüb. Hesabına köçürülmüş vəsaitdən tutulma ilə bağlı vətəndaşın müvafiq banka müraciət etməsi tövsiyə olunur.

Həmçinin oxuyun

Lənkəran Dram Teatrının direktorunun vəzifəsinə niyə xitam verilib?

Lənkəran Dövlət Dram Teatrının direktorunun işdən çıxarılması məsələsinə aydınlıq gətirilib.Bu barədə Mədəniyyət Nazirliyindən bildirilib ki, Tofiq …