Çərşənbə , Yanvar 19 2022
Ana səhifə / Bölgələr / 30 ildir su üzünə həsrət qalan qəsəbə – VİDEO

30 ildir su üzünə həsrət qalan qəsəbə – VİDEO

Gəncədə 300-dən artıq ailənin yaşadığı qəsəbə 30 ilə yaxındır su üzünə həsrətdir.
Bu ərazidə yaşayan sakinlər suya olan tələbatlarını ancaq yağış suyunun hesabına ödəyirlər. Elə ona görə də burada yağış yağanda toy-bayram olur.
Yağış yağmayanda isə sakinlər suya olan tələbatlarını şəxsi vəsaitləri hesabına su maşınları vasitəsilə ödəməyə çalışır. Bu isə onların maddi durumuna ağır təsir göstərir. Əhali dəfələrlə aidiyyəti qurumların qapısını döyüb.
Artıq uzun zamandır ki, sakinlər Gəncə ilə Göygöl arasında var-gəl edir.Qurumlar problemin həllini bir-birinin üzərinə atır. Çünki yaşayış massivi Gəncə şəhər Nizami rayonu ərazisində yerləşsə də, qəsəbə Göygöl rayonuna bitişikdir.
Məsələ ilə bağlı “Azərsu” ASC-nin mətbuat xidmətinin rəhbəri Anar Cəbrayıllı şifahi şəkildə bildirib ki, qeyd olunan əraziyə çalışdığı qurum xidmət göstərmir.
Həmin şəxslər “Azərsu”ya yox, Gəncə şəhər Nizami rayon bələdiyyəsinə müraciət etməlidirlər. Nizami bələdiyyəsindən isə bildirilib ki, bu torpaqlar onlara verilməyib.

Həmçinin oxuyun

Gədəbəydə YAP-ın sədrinə dələduzluq ittiham olunur

Yeni Azərbaycan Partiyasının (YAP) Gədəbəy rayon təşkilatının sədri Rüstəm Nağıyev dələduzluqda ittiham edilir. Bu barədə Gədəbəy …