Azinforum.az İnformasiya Portalı Onlayn Xəbər Portalı
Gəncə şəhəri, 4-cü mikrorayon, bina 4 a, mənzil 28-də yaşayan 57 yaşlı Rəqibə Musayeva yaralı halda Gəncə Şəhər Təcili Tibbi Yardım Xəstəxanasına gətirilib.
ARB TV xəbər verir ki, onun binada qaz sızmasından baş verən partlayış nəticəsində xəsarət aldığı bildirilir.
Qadının deməsinə görə, birinci mərtəbədə qeydə alınan partlayışın gücündən mənzilindəki bacanın qapağı qopub və onun başına düşüb.
Fəxrəddin Musayev – Həyat yoldaşı: “Nəvələrim çarpayıda idi. Mən də qızımla oturmuşdum. Durduğumuz yerdə birdən partlayış oldu. Yoldaşım qışqırdı. Başına daş düşdü”.
Sağ əlin barmağının travmatik əzilməsi və başın təpə nəhiyəsinin kəsilmiş-cırılmış yarası diaqnozu qoyulan Rəqibə Musayevaya lazımi tibbi yardım göstərilib və o, ambulator müalicəyə buraxılıb.
