Şənbə , Dekabr 5 2020
Ana səhifə / Araşdırma / Xaçmaz polisi: “Məktəbli qızın zorlanması iddiası sübuta yetmədi…”

Xaçmaz polisi: “Məktəbli qızın zorlanması iddiası sübuta yetmədi…”

Xaçmaz Rayon Polis Şöbəsi (RPŞ) bu rayonda məktəbli qızın zorlanması barədə yayılan məlumatlara reaksiya verib.

RPŞ-nin istintaq bölməsinin rəisi Əhməd Nəcəfov virtualaz.org saytınaaçıqlamasında faktla bağlı cinayət işi başlandığını, müvafiq araşdırmaların aparıldığını dedi: “Bu gün ekspertizanın rəyi də məlum oldu. Ekspertizanın rəyinə görə, 8-ci sinif şagirdinin təcavüzə məruz qalması faktı öz təsdiqini tapmayıb, zorlama əlamətləri müşahidə edilməyib”.

*   *   *17:30

Azərbaycanda orta məktəbdə zorlama hadisəsi baş verib.

Hadisə Xaçmaz rayonunun Alekseyevka kəndində, Milli Qəhrəman Yavər Şahbazov adına orta məktəbin həyətindəki qız tualetində baş verib.

Martın 16-da orta məktəbin 8-ci sinif şagirdi E.S. məktəbin həyətində iki gənc oğlanın hücumuna məruz qalıb. Oğlanlar onu zorla həyətdəki qız tualetinə aparıblar. Oğlanlar tualetdə qızı zorlayıblar. Onunla qeyri-təbii yolla cinsi əlaqədə olublar.

Qız zorlanan zaman qışqıraraq kömək istəyib. Bu zaman həyətdəkilər onun köməyinə gəliblər. Qızı zorlayan gənclər hadisə yerindən qaçıblar.

Zorlanan E.S.-nin atası bu hadisədən 1 ay 2 gün sonra – aprel ayının 18-də Xaçmaz Rayon Polis Şöbəsinə şikayət edib. Şikayət əsasında aparılan araşdırmalar zamanı qızı zorlamaqda şübhəli bilinən şəxslərin 1995-ci il təvəllüdlü Valeh Xurşudov və 1998-ci il təvəllüdlü Fərid Həsənov olduğu müəyyən edilib.

Hadisəni araşdırmaq üçün tibbi ekspertiza təyin edilib. Ekspertizanın nəticəsinə uyğun olaraq tədbir görüləcək. Hələlik qızın zorlanması ilə əlaqədar heç kim saxlanılmayıb.

Hadisə ilə əlaqədar bu gün Xaçmazın Alekseyevka kəndində kənd camaatı bir yerə toplaşaraq etiraz aksiyası keçiriblər. Aksiyaya dövlət nümayəndələri və məktəbin direktoru Mirzəşah Mikayılov da qatılıb. Direktor ANS PRESS-ə bildirib ki, hadisə təhsil müəssisəsində görünməmiş biabırçılıqdır.

Aksiyada iştirak edən kənd camaatı tələb ediblər ki, qızın başına biabırçı hadisəni gətirənlərin ailəsi orada yaşamasınlar. Kənd sakinləri arasında gənc qız sahibi olan valideynlər də bu hadisədən sonra övladlarını çölə tək buraxmağa qorxduqlarını bildiriblər.

Aksiyada iştirak edən Xaçmaz rayonunun icra başçısının Alekseyovka kənd nümayəndəsi Rasim Qasımov da sakinlərlə eyni fikirdə olduğunu bildirib. O vurğulayıb ki, kənddə biabırçı əməl sahibləri orada yaşamamalıdırlar.

ANS-in çəkiliş qrupu qıza təcavüz edənlərin yaşadığı ünvana da baş çəkib. Lakin o şəxslərin ailə üzvləri həmin ünvanda olmayıblar. Faktla bağlı araşdırmalar davam edir.

Həmçinin oxuyun

Yoluxanların sayı yenə artdı

Azərbaycanda bu gün koronavirus infeksiyasına 3712 yeni yoluxma faktı qeydə alınıb, 1359 nəfər müalicə olunaraq …

Bir cavab yazın