Azinforum.az İnformasiya Portalı Onlayn Xəbər Portalı
Nəsimi Rayon Məhkəməsinin inzibati binasında Müdafiə Nazirliyi Hərbi Dəniz Qüvvələrinin (HDQ) sabiq komandanı, vitse-admiral Şahin Sultanov və digər şəxslərin cinayət işi üzrə məhkəmə prosesi başa çatıb.
Musavat.com xəbər verir ki, prosesdə vitse-admirala və digər təqsirləndirilən 27 nəfərə hökm oxunub.
Məhkəmə Bakı Hərbi Məhkəməsinin hakimi Həbib Həsənovun sədrliyi ilə keçirilib.
Hökmə əsasən Ş.Sultanov 8 il 6 ay müddətinə azadlıqdan məhrum edilib. Ona 3 il sınaq müddəti olmaqla şərti cəza verilib.
Məhkəmə prosesi davam edir.
Xatırladaq ki, dövlət ittihamçısı Ş.Sultanovun 13 il, digər 27 nəfərin isə 5-7 il müddətinə azadlıqdan məhrum edilməsini istəyib.
Bu cinayət işi ilə bağlı Respublika Hərbi Prokurorluğunun yaydığı məlumatda qeyd edilir ki, HDQ-də aparılan yoxlamalar zamanı qanun pozuntuları aşkarlanıb. Qanuna zidd əməlləri törətməkdə təqsirli bilinən bir neçə nəfər, eləcə də HDQ-nin sabiq komandanı, vitse-admiral Ş.Sultanov təqsirləndirilən şəxs qismində cəlb edilməklə, Respublika Hərbi Prokurorluğunun təqdimatı əsasında 2015-ci il aprelin 23-də Bakı Hərbi Məhkəməsinin qərarı ilə həbs ediliblər.
Ş.Sultanov və digər şəxslər Cinayət Məcəlləsinin 313-cü (vəzifə saxtakarlığı) və 179.3.2-ci (mənimsəmə – külli miqdarda törədildikdə) maddələri ilə təqsirli bilinir.
Sonradan Ş.Sultanov barəsində seçilmiş həbs-qətimkan tədbirinin ev dustaqlığı ilə əvəz olunmuşdu.
