Azinforum.az İnformasiya Portalı Onlayn Xəbər Portalı
Türkiyədə Suriya əsilli tanınmış jurnalist və Yaxın Şərq üzrə ekspert Hüsnü Mahalli həbs edilib.
APA-nın “Hürriyet”ə istinadən verdiyi məlumata görə, H. Mahalli “Twitter”də Türkiyənin dövlət böyüklərinə həqarət etməkdə ittiham olunur. O, dekabrın 13-də axşam saatlarında İstanbulda polis tərəfindən saxlanılıb. Jurnalistin evində axtarış aparılıb və bəzi digital vasitələr müsadirə edilib.
Qeyd edək ki, H. Mahalli 1949-cu ildə Suriyanın Cerablus şəhərində dünyaya gəlib. Milliyyətcə türkməndir. İstanbul Universitetini bitirib. O, Türkiyə hökumətinin Suriya siyasətini ardıcıl tənqid edir.
