Cümə , Aprel 12 2024
Ana səhifə / Araşdırma / Tender kralına 15 min cərimə… – Məşhur iranlı memarı qanunsuz işlədib

Tender kralına 15 min cərimə… – Məşhur iranlı memarı qanunsuz işlədib

Azərbaycanda 4-dən artıq şirkətin sahibi olan iş adamı məşhur iranlı mühəndisə görə 15 min manat cərimələnib. 

Qaynarinfo-nun məlumatına görə, “DADAŞ-N” MMC-nin qanuni təmsilçisi və baş direktoru Dadaşov Nəsimi Cəfər oğlu Ağdam Sənaye Parkında özünə məxsus olan iplik və xalça fabriki inşaa etdirir. 

İş adamı ölkəmizdə iş icazəsi olmayan İran İslam Respublikasının vətəndaşı Nikrouz Forouzandehi həmin fabrikinin memarı və layihə rəhbəri kimi çalışdırıb. 

Dövlət Miqrasiya Xidmətinin Yevlax Regional Miqrasiya İdarəsi tərəfindən şirkətin sahibinə İnzibati Xətalar Məcəlləsinin 578.1-ci maddəsi ilə protokol tərtib edilib və iş məhkəməyə göndərilib. Məhkəmənin qərarı ilə Nəsimi Dadaşov İnzibati Xətalar Məcəlləsinin 578.1-ci maddəsi ilə təqsirli bilinib və 15.000 manat məbləğində cərimə edilib. 

Qeyd edək ki, 2018-2022-ci illər ərzində Nikrouz Forouzandeh Bakı Mühəndislik Universitetinin (BMU) İnşaat mühəndisliyi kafedrasının baş müəllimi kimi çalışıb. 2021-ci ildə Dövlət Şəhərsalma və Arxitektura Komitəsi tərəfindən təşkil edilmiş “Qədim Qarabağın yenilənən siması” müsabiqəsində Ağdam rayonun Sancalı kəndinin memarlıq planlaşdırma həlli layihəsinin hazırlanmasına görə diplomla təltif olunub. 2023-ci ildən sonra mühəndisin iş icazəsi bitdiyindən “DADAŞ-N” MMC şirkəti tərəfindən işlərə cəlb edilib. 

Xatırladaq ki, Dadaşov Nəsimi Cəfər oğlu bir sıra dövlət qurumlarının təşkil etdiyi tenderlərin qalibi olub. 2016-cı ildə Nəsimi Dadaşovun rəhbərlik etdiyi daha 4 şirkət dövlət qeydiyyatına alınıb:

“BARAMA-N” MMC
Hüquqi ünvanı: AZ7000, NAXÇIVAN ŞƏHƏRİ, B.ABBASOV ev.55 m.
Nizamnamə kapitalı: 500 manat.
Qanuni təmsilçi: DADAŞOV NƏSİMİ CƏFƏR OĞLU.
Dövlət qeydiyyatına alındığı tarix: 21 Noyabr 2016

“SASAR İSTEHSAL MALLARI” MMC
Hüquqi ünvanı: AZ3628, QƏBƏLƏ RAYONU, VƏNDAM.
Nizamnamə kapitalı: 500 manat.
Qanuni təmsilçi: DADAŞOV NƏSİMİ CƏFƏR OĞLU.
Dövlət qeydiyyatına alındığı tarix: 25 Oktyabr 2016.

“NƏSİMİ 1965” MMC
Hüquqi ünvanı: AZ7000, NAXÇIVAN ŞƏHƏRİ, B.ABBASOV ev 55.
Nizamnamə kapitalı: 10 manat.
Qanuni təmsilçi: DADAŞOV NƏSİMİ CƏFƏR OĞLU.
Dövlət qeydiyyatına alındığı tarix: 25 Oktyabr 2016

“SARAR İSTEHSAL MALLARI” MMC
Hüquqi ünvanı: AZ3628, QƏBƏLƏ RAYONU, VƏNDAM.
Nizamnamə kapitalı: 500 manat.
Qanuni təmsilçi: DADAŞOV NƏSİMİ CƏFƏR OĞLU.
Dövlət qeydiyyatına alındığı tarix: 25 Oktyabr 2016.

Həmçinin oxuyun

Apteklər işçi tapa bilmir: Gənclər niyə əczaçı olmaq istəmirlər?

Yolu aptekə düşən insanlar çox zaman əczaçılardan şikayətlənirlər. Əsas şikayətlər adətən dərmanları tanımamaq, səhv dərmanlar …