“Təzə Bazar” MMC-nin sahibi, iş adamı Məmmədağa İbrahimov özünün və ailəsinin ölümlə hədələnməsi və bununla bağlı Nəsimi Rayon Polis İdarəsinin 21-ci Polis Bölməsinə müraciət etməsiylə bağlı xəbər təsdiqini tapmayıb.
Belə ki, Moderator.az-ın əməkdaşı Məmmədağa İbrahimovla əlaqə saxlayaraq yayılan xəbərləri dəqiqləşdirmək istəyib. İş adamı bildirib ki, onunla Vaqif Şıxaləiyev arasında uzun zamandır mülk mübahisəsinin olduğu bəllidir, amma mətbuatda qeyd olunduğu kimi guya onun Vaqif Şıxəliyevin adamları tərəfindən döyülməsiylə bağlı gedən informasiyalar həqiqəti əks etdirmir.
Xatırladaq ki, bazar sahibi bir neçə dəfə ölkə mətbuatının gündəminə qalmaqallarla gəlib. Uzun zamandır “Bakı Mərkəzi Bazar” MMC-nin sahibi Vaqif Şıxəliyevlə iş adamı arasında mülk davası var. Belə ki, “Təzə Bazar” MMC-yə hər iki iş adamı şərik olub. Və bazar uğrunda tərəflər arasında dəfələrlə müxtəlif səpkili insident baş verib.