Çərşənbə axşamı , İyul 27 2021
Ana səhifə / Araşdırma / Sumqayıtda 1 ədəd 125 mm-lik top mərmisi tapıldı – ANAMA-dan açıqlama

Sumqayıtda 1 ədəd 125 mm-lik top mərmisi tapıldı – ANAMA-dan açıqlama

Bu gün saat 16:12-də Daxili İşlər Nazirliyinin ″102″ Xidməti-Zəng mərkəzi sistemindən və saat 16:45-də Fövqəladə Hallar Nazirliyinin Böhran Vəziyyətlərində İdarəetmə mərkəzindən Agentliyə Sumqayıt şəhəri, 5-ci məhəllə ərazisində 1 ədəd mərminin tapılması barədə məlumatlar daxil olub.
Azinforum.az ANAMA-ya istinadən xəbər verir ki, həmin məlumata əsasən, Agentliyin xüsusi mobil çevik əməliyyat qrupu dərhal həmin əraziyə göndərilib.
Agentliyin mütəxəssisləri tərəfindən yuxarıda adı qeyd olunmuş ərazidə məişət tullantıları sahəsinə baxış keçirilmiş, aparılan təcili təxirəsalınmaz operativ əməliyyat axtarış tədbirləri nəticəsində 1 ədəd 125 mm-lik top mərmisi (OF-26) aşkar olunmuş, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.
Aşkar olunmuş mərminin ətrafında 500 kv.m əraziyə yerüstü baxış keçirilmiş, bundan əlavə təhlükəli əşya və qurğu aşkar edilməyib.

Həmçinin oxuyun

“Aqrar Tədarük və Təchizat” ASC KİMƏ XİDMƏT EDİR? – ARAŞDIRMA

…Daxil olmuş oxucu sorğusunu və şikayəti əsas tutaraq bu gün hər bir istehlakçının, deməli, hər …