Çərşənbə axşamı , İyun 22 2021
Ana səhifə / Araşdırma / Sabiq MTN polkovnikinə 4 il həbs verildi

Sabiq MTN polkovnikinə 4 il həbs verildi

Bu gün Bakı Hərbi Məhkəməsində sabiq MTN-nin Baş Əks-Kəşfiyyat İdarəsinin sabiq şöbə rəisi, polkovnik Mirəziz Əsgərovun cinayət işi üzrə məhkəmə prosesi yekunlaşıb.

Virtualaz.org saytının xəbərinə görə, prosesə hakim Elbəy Allahverdiyev sədrlik edib. Prosesdə hökm oxunub.

Məhkəmənin hökmü ilə M.Əsgərov 4 il müddətinə azadlıqdan məhrum edilib.

Hökmə əsasən, zərərçəkmişin mülki iddiası rədd edilib, təqsirləndirilən şəxsin üzərinə həbs qoyulmuş əmlakı və onun evindən götürülmüş pul M.Əsgərovun özünə qaytarılmalıdır.

Xatırladaq ki, dövlət ittihamçısı M.Əsgərovun 5 il müddətinə azadlıqdan məhrum edilməsini istəmişdi.

Qeyd edək ki, M.Əsgərov zərərçəkmişlərdən hədə-qorxu yolu ilə pul tələb etmək və digər ağır cinayətlərdə ittiham olunur.

O, Cinayət Məcəlləsinin 182.3.1, 182.3.2-ci (mütəşəkkil dəstə tərəfindən, külli miqdarda əmlak əldə etmək məqsədi ilə hədə-qorxu gəlmə), 311.3.1, 311.3.2, 311.3.3, 311.3.4-cü (qabaqcadan əlbir olan bir qrup şəxs və ya mütəşəkkil dəstə tərəfindən, təkrar, külli miqdarda, hədə-qorxu tətbiq olunmaqla rüşvət alma), 341.2.1 və 341.2.3-cü (bir qrup şəxs tərəfindən, ağır nəticələrə səbəb olmaqla hakimiyyətdən sui-istifadə etmə, hakimiyyət həddini aşma və ya hakimiyyətdən istifadə etməmə) maddələri ilə ittiham edilib.

Həmçinin oxuyun

“Əcəb edib dəniz sahilini, çimərliyi yetim-yesirin üzünə bağlamışıq” – BİLGƏH QADAĞASI DAVAM EDİR…

Yay gəldi, çimərlik mövsümü rəsmən açıq elan olundu. Çimərliklər isə hər ötən il daha çox …

Bir cavab yazın