Çərşənbə , Oktyabr 16 2019
Ana səhifə / Araşdırma / Qadını şantaj edən dələduz iş başında yaxalandı – Video

Qadını şantaj edən dələduz iş başında yaxalandı – Video

İnsanları şantaj edən şəxs tutulub. Baş Mütəşəkkil Cinayətkarlıqla Mübarizə İdarəsinə müraciət edən Ağcabədi rayon sakini olan bir qadın əvvəldən tanıdığı Rakif adlı şəxsin onu barəsində rüsvayedici məlumatlar yayacağı ilə hədələyib külli miqdarda pul tələb etdiyi barədə məlumat verib.

Baş idarə əməkdaşları tərəfindən həyata keçirilən təxirəsalınmaz əməliyyat-axtarış tədbirləri nəticəsində paytaxt sakini Rakif Quliyev qeyd edilən xanımdan 3 min dolları alan zaman saxlanılıb.

Araşdırma zamanı məlum olub ki, Rakif Quliyev bu ilin yanvar ayından saxlanılan günə kimi eyni üsulla zərərçəkəndən müxtəlif vaxtlarda 2 min manat, 2 ədəd brilyant üzük, 1 ədəd brilyant kolye, 10 ədəd qızıl onluq, 9 ədəd qızıl 15-lik, 1 ədəd “osmanlı” qızıl onluq, 1 ədəd “Nizami Gəncəvi” qızıl külçəsi və 1 ədəd Avstriya qızıl külçəsi alıb.

Faktla bağlı baş idarənin istintaq şöbəsində cinayət məcəlləsinin müvafiq maddələri ilə cinayət işi başlanılıb, zəruri istintaq hərəkətləri, eləcə də əməliyyat-axtarış tədbirləri davam etdirilir.

Həmçinin oxuyun

Azərbaycanda QİÇS problemi – əgər virusa yoluxmusunuzsa… – Fotolar

Əməkdaşımızın QİÇS-lə Mübarizə Mərkəzindən eksklüziv reportajı; SPİD xəstəsi öz yaxınları üçün təhlükədirmi, ən çox nələrə …

Bir cavab yazın