Suriya ordusuna məxsus döyüş təyyarələri İdlib vilayətində hava əməliyyatı təşkil edib.
Axar.az xəbər verir ki, əməliyyat nəticəsində Nüsrə Cəbhəsinin 20 terrorçusu məhv edilib.
Öldürülənlər arasında qruplaşmanın liderlərindən “Suriyalı” ləqəbli Əbu Firaz da olub.
BBC-nin məlumatına görə, Əbu Firaz təşkilatın “mətbuat katibi” olub.
Xatırladaq ki, bundan əvvəl İraqda Qərb koalisiyasının hava hücumu zamanı İŞİD-in raket qurğuları üzrə aparıcı mütəxəssisi Cesim Hatice öldürülmüşdü.