Ana səhifə / Araşdırma / MTN-dən gecə əməliyyatı: 40-dan çox vəhhabi tutuldu

MTN-dən gecə əməliyyatı: 40-dan çox vəhhabi tutuldu

Xüsusi xidmət əməkdaşları kafe-çayxanaya basqın ediblər Dünən gecə Bakının Yasamal rayonunda xüsusi xidmət orqanlarının əməkdaşlarının keçirdiyi əməliyyat-axtarış tədbirləri sayəsində radikal islamçılarla bağlı olmaqda şübhəli bilinən 42 nəfər saxlanılıb. Bu barədə virtualaz.org saytına Yasamal Rayon Polis İdarəsindən bildiriblər. Bildirilir ki, MTN tərəfindən saxlanılan radikallar daha sonra polisə təhvil verilib. Məlum olub ki, xüsusi xidmət əməkdaşları M.Seydiov küçəsi, 13 ünvanında yerləşən və Fərzəliyev adlı birinə məxsus olan “Farklı Lahmacun” adlı kafe-çayxanaya basqın ediblər. Həmin vaxt kafedə 40-dan çox adam olub və onlar dini xarakterli tədbir keçirirmiş. Toplaşanlar arasında yetkinlik yaşına çatmayan iki şəxs də olub. Saxlanılanların Yasamal Rayon Polis İdarəsinə təhvil verildiyi bildirilir. Kafedən dini xarakterli ədəbiyyat da götürülüb. Xəbər verilir ki, tutulanlardan bir neçəsinə qarşı CM-in 168.2 maddəsi üzrə cinayət işi qaldırılıb. Hələlik onlardan üçünün adı məlumdur. Bunlar Zaqatala rayon sakinləri Adil Məmməd oğlu Rəcəbov, Kamran Eldar oğlu və Bakı sakini Zaur Əhəd oğlu Şabanovdur. Hazırda saxlanılanların Azərbaycandan xaricdə qanunsuz silahlı birləşmələrin tərkibində döyüşüb-döyüşmədiyi araşdırılır. Ehtimal edilir ki, onların Suriya və İraqda döyüşən radikallarla əlaqələri var.

Həmçinin oxuyun

Boşanmaların səbəbi: xəyanət və məişət zorakılığı – ARAŞDIRMA

“Evlilikdə duyğu məqamı olduğundan sarsılmaz deyil, əksinə qeyri sabitdir və özündə pozulma imkanını ehtiva edir. …

Bir cavab yazın