Cümə , Avqust 6 2021
Ana səhifə / Araşdırma / Maral Tahirqızı həbsdə qaldı – cəzasının çoxunu çəkib

Maral Tahirqızı həbsdə qaldı – cəzasının çoxunu çəkib

2015-ci ilin may ayında həbs edilən Maral Tahirqızının şikayəti təmin edilməyib. O, yenə də həbsdə qalıb.

Musavat.com xəbər verir ki, Ali Məhkəmə də M.Tahirqızının şikayətini təmin etməyib.

Əxlaqsızlıq yuvaları təşkil etməkdə təqsirləndirilən müğənni Maral Tahirqızı barəsində olan məhkəmə qərarından kassasiya şikayətinə baxılıb. Apellyasiya şikayəti təmin edilməyən M.Tahirqızının işinə Ali Məhkəmədə hakim Tahir Kazımovun sədrliyi ilə keçirilən prosesdə baxılıb.

Məhkəmənin qərarına əsasən, kassasiya şikayəti təmin edilməyib və hökm dəyişdirilmədən saxlanılıb.

Qeyd edək ki, Gülməmmədova Maral Tahir qızı barəsində Xətai Rayon Polis İdarəsinin (RPİ) istintaq şöbəsində əvvəlcə Cinayət Məcəlləsinin 244.1-ci (Fahişəliklə məşğul olmaq üçün əxlaqsız yuvalar təşkil etmə, saxlama və ya bu məqsədlər üçün mənzil sahələri vermə) maddəsi ilə cinayət işi başlanılıb.

Daha sonra müğənni barəsində başlanan cinayət işi 15 noyabr 2014-cü il tarixdə Cinayət Məcəlləsinin 244.2.1-ci (eyni əməllər təkrar törədildikdə) maddəsinə tövsif edilib.

İstintaq müddətibdə onun barəsində polisin nəzarəti altına vermə qətimkan tədbiri seçilib.

Daha sonra Xətai Rayon Məhkəməsinin hökmü ilə M.Tahirqızı 2015-ci il, mayın 21-də 3 il müddətinə azadlıqdan məhrum edilib. Müğənni məhkəmə zalında həbs olunub.

Qərardan narazı qalan M.Tahirqızının apellyasiya şikayəti təmin edilməmişdi.

Həmçinin oxuyun

12-17 yaşlı oğlanlar koronavirusa yoluxduqda ürək zədələnir – ARAŞDIRMA

12-17 yaş arası oğlan uşaqlarının kovid keçirdikdən sonra ürək miokard zədələnməsi riski peyvəndə nisbətən 6 …

Bir cavab yazın