Cümə axşamı , Aprel 25 2024
Ana səhifə / Araşdırma / Kriminal avtoritetlər tutuldu – HACIQABULDA

Kriminal avtoritetlər tutuldu – HACIQABULDA

Hacıqabul rayonu ərazisində dəfələrlə məhkum olunmuş şəxslərdən narkotik vasitələr götürülüb.

APA-nın Mil-Muğan bürosunun məlumatına görə, Hacıqabul rayon sakini, 1967-ci il təvəllüdlü, əvvəllər narkotik vasitələrin qanunsuz dövriyyəsinə görə dəfələrlə məhkum olunmuş və kriminal aləmdə “Ağbaş” ləqəbi ilə tanınan Aslanov Mübariz Hüseynbala oğlu saxlanılıb. Onun üzərində 475 qram narkotik vasitə olan qurudulmuş marixuana aşkar edilib.

Hacıqabul rayon Polis Şöbəsi və Yol Patrul Xidmətinin birgə keçirdikləri digər əməliyyat zamanı Şirvan sakini, əvvəllər dəfələrlə məhkum olunmuş 1975-ci il təvəllüdlü, kriminal aləmdə “Qocaman” ləqəbi ilə tanınan Ağamalıyev Vüsal Rafik oğlu saxlanılıb, ondan 1,574 qram heroin götürülüb. Ona məxsus “Opel Astra” markalı, 90 BJ 468 dövlət nömrə nişanlı avtomobilə baxış keçirilərkən orada 985 qram narkotik vasitə olan qurudulmuş marixuana aşkar edilib.

Hər iki fakt üzrə Hacıqabul rayon Polis Şöbəsi tərəfindən cinayət işi açılıb, araşdırma aparılır.

Həmçinin oxuyun

Naxçıvanın Maliyyə Nazirliyi səlahiyyət həddini aşdı, qanunu pozdu, Səlahiyyətli Nümayəndəlik isə… – FOTO

Naxçıvan Muxtar Respublikasının Maliyyə Nazirliyində satınalma predmetini satın alan dövlət orqanları, büdcədənkənar dövlət fondları, dövlət …

Bir cavab yazın