İstanbuldakı terrorla bağlı 13 nəfər saxlanıldı – 3-ü əcnəbidir

Türkiyədə 42 nəfərin ölümü, 239 nəfərin yaralanması ilə nəticələnən terrordan sonra 13 nəfər saxlanılıb.

“Qafqazinfo” Türkiyə KİV-ə istinadən xəbər verir ki, terrordan sonra 16 ünvanda eyni zamanda əməliyyat keçirilib. Saxlanılanlardan 3-ü əcnəbidir. Şübhəlilər Bayrampaşa Dövlət Xəstəxanasında müayinədən keçiblər. Daha sonra dindirilmək üçün İstanbul Polis idarəsinə aparılıblar.