Bu gün Xətai Rayon Məhkəməsində vergidən yayınmaqda ittiham olunan Ağakərim Əkbərovun cinayət işi üzrə məhkəmə istintaqı yekunlaşıb.
Virtualaz.org saytının xəbərinə görə, hakim Habil Məmmədovun sədrliyi ilə keçirilən prosesdə qərar elan edilib. Məhkəmənin qərarı ilə A.Əkbərovun barəsində bəraət hökmü çıxarılıb.
Qeyd edək ki, iş adamı olan A.Əkbərov paytaxtda çoxmərtəbəli binaların tikintisi ilə məşğul olub. O, 416 min manat vergidən yayınmaqda təqsirli bilinərək, həbs edilib. Sonradan məhkəmə A.Əkbərovun barəsində ev dustaqlığı qətimkan tədbiri seçib.
O, Cinayət Məcəlləsinin 213.2.2-ci (vergi ödəməkdən yayınma, külli miqdarda törədildikdə) maddəsi ilə ittiham olunub.