Cümə axşamı , Oktyabr 17 2019
Ana səhifə / Araşdırma / İran parlamentində atışma olub: 7 nəfər həlak olub,12 nəfər yaralanıb – YENİLƏNİB- CANLI

İran parlamentində atışma olub: 7 nəfər həlak olub,12 nəfər yaralanıb – YENİLƏNİB- CANLI

Musavat.com Türkiyə mediasına istinadən ayətullah Xomeyninin türbəsinə hücum edənlərdən birinin qadın olduğunun təsdiqləndiyini bildirir. Başqa bir məlumata əsasən, terroçuların Məclisdə istifadə etdiyi silahlar Kalaşnikov avtomatları olub.

12:56

****

İran mediasının məlumatına görə, terrorçulardan ikisi ələ keçməmək üçün intihar ediblər. Onlardan biri zəhər içərək özünü öldürüb, digəri isə üstündəki bombanı partladıb.

12:38

****

Alınan son xəbərlərə görə, ölənlərin sayı 7 nəfərə çatıb. 4 nəfərin isə girov götürüldüyü bildrilir. Girovların Məclisin xidməti personalına aid olduğu söylənilir.

12:11

****

Son məlumatlara əsasən İran rəsmiləri terror hücumunun İŞİD tərəfindən törədildiyini bildirirlər. Parlamentin binasına və ayətullah Xomeyninin türbəsinə edilən hücumda 1 nəfərin öldüyü, 12 nəfərin isə yaralandığı təsdiqlənib.

11:45

****

Son məlumatlara görə, terrorçuların 4 nəfər olduğu bildrilir. Hadisə zamanı 8 nəfərin yaralandığı xəbəri gəlib. Xomeyni türbəsinə hücum edən şəxsin canlı bomba olduğu bildirilir. Türbədəki atışmada da yaralılar var.

Hazırda parlament ətrafına bütün giriş və çıxışlar qapadılıb.

10:58

****

Türkiyənin NTV kanalının verdiyi məlumata görə, hücum edənlər 3 nəfər olub. Bundan başqa, hücumu həyata keçirən şəxslərin artıq tutulduğu xəbərləri də gəlib. Atışma zamanı 1 nəfərin öldüyü bildirilir. Ölən şəxsin parlamentin mühafizəçilərindən biri olduğu söylənilir. Bundan başqa, terrorçular ayətullah Xomeyninin türbəsinə də atəş açıblar.

10:51

*****

İran parlamentində atışma olub.

Xarici xəbər agentliklərinin verdiyi  məlumata görə, hadisə nəticəsində ən az iki nəfər yaralanıb.

İran mediası, parlamentdə bir neçə nəfərin girov götürüldüyünü bildirir.

 

 

Həmçinin oxuyun

Azərbaycanda QİÇS problemi – əgər virusa yoluxmusunuzsa… – Fotolar

Əməkdaşımızın QİÇS-lə Mübarizə Mərkəzindən eksklüziv reportajı; SPİD xəstəsi öz yaxınları üçün təhlükədirmi, ən çox nələrə …

Bir cavab yazın