Şənbə , Dekabr 5 2020
Ana səhifə / Araşdırma / İcra Hakimiyyətinin eks-işçisinin güllələnməsi haqda – DİN-dən açıqlama

İcra Hakimiyyətinin eks-işçisinin güllələnməsi haqda – DİN-dən açıqlama

Daxili İşlər Nazirliyi dünən axşam saatlarında Binəqədi rayonunda baş verən güllələnmə hadisəsi ilə bağlı açıqlama verib.

Qurumdan “Qafqazinfo”ya daxil olan məlumata görə, aprelin 11-də Binəqədi rayonunun Cavadxan küçəsində, şəxsiyyəti məlum olmayan 2 nəfər həmin ərazidə kirayədə yaşayan Bərdə rayon sakini Hüseyn Qasımovun istiqamətində avtomat silahdan bir neçə dəfə atəş açıblar.

Nəticədə daban nahiyyəsindən güllə yarası almış H.Qasımova xəstəxanada ilkin tibbi yardım göstərildikdən sonra buraxılıb. Binəqədi RPİ 7-ci PB əməkdaşaları tərəfindən hadisə yerindən 10 ədəd 7,62 çaplı giliz götürülüb. Faktla əlaqədar cinayət işi başlanıb.

Binəqədi RPİ tərəfindən əməliyyat-axtarış tədbirləri aparılır.

Qeyd edək ki, güllələnən Qasımov Hüseyn Əli oğlu əvvəllər Bərdə Rayon İcra Hakimiyyətində işləyib.

Həmçinin oxuyun

Yoluxanların sayı yenə artdı

Azərbaycanda bu gün koronavirus infeksiyasına 3712 yeni yoluxma faktı qeydə alınıb, 1359 nəfər müalicə olunaraq …

Bir cavab yazın