Çərşənbə , Oktyabr 21 2020
Ana səhifə / Araşdırma / İbrahimovların şəriki həbs olundu

İbrahimovların şəriki həbs olundu

Azərbaycanda məşhur iş adamı, “Real MTK”nın təsisçisi və rəhbəri İlham Qasımov həbs olunub.

Azinforum.az AzNews.az-a sitinadən xəbər verir ki, DİN-nin Baş Mütəşəkkil Cinayətkarlıqla Mübarizə İdarəsi tərəfindən saxlanılan iş adamı barədə istintaq aparılır. Hazırda o, istintaq təcridxanasındadır. Məlumata görə, iş adamı dələduzluqda, külli miqdarda vəsaitlərin mənimsənilməsində təqsirli bilinir.

Bildirilir ki, İlham Qasımovun bir mənzili bir neçə nəfərə satması, başqa iş adamlarınının məbləği milyonlarla ölçülən vəsaiti mənimsəməsi barədə çoxsaylı şikayətlər olub. Şikayətçilər arasında çox məşhur adamların olduğu da daxil olan məlumatlar sırasındadır.

Şikayətçilərdən birinin verdiyi məlumata görə, dələduzluqda ittiham olunan iş adamı istintaq təcridxanasında özünə çox yaxşı şərait qurub və orada hətta bəzi iş görüşmələrini də aparır.

Xatırladaq ki, İlham Qasımov bir müddət əvvəl Diasporla İş üzrə Dövlət Komitəsinin sədri Nazim İbrahimovun qaynı Məzahir Cəfərovun intiharı ilə gündəmə gəlmişdi. Belə ki, mərhum son günlərə kimi “Galaxy Palace” tikinti şirkətində çalışıb. Şirkətin rəhbəri isə İlham Qasımovdur.

İş adamı intihar olayından əvvəl isə İbrahimovlarla məhkəmə çəkişməsi məsələsi ilə gündəmə gəlmişdi. Qasımovun məhkəmə proseslərini udaraq, Nazim İbrahimovun kiçik qardaşı Sahib İbrahimovun 4 binasını ələ keçirdiyi bildirilirdi. Maraqlısı odur ki, İbrahimovlara zərbə vuran bu məhkəmə proseslərindən sonra M.Cəfərov öz qohumları ilə deyil, İlham Qasımovla işləməyə başlamışdı. Həmin vaxt İ. Qasımov mətbuata açılamasında N.İbrahimovun qardaşı ilə iş birliyinin davam etdiyini və aralarında heç bir problemin olmadığını bildirmişdi.

Həmçinin oxuyun

Gəncəyə atılan ballistik raketlərin növü açıqlandı – Fotolar

“ANAMA-nın məlumatına görə, Gəncəyə atılan raketlər SKAD/Elbrus əməliyyat-taktik ballistik raketidir”. “ Azinforum.az ” xəbər verir ki, …

Bir cavab yazın