Cümə axşamı , Mart 28 2024
Ana səhifə / Araşdırma / Hüseynqulu Bağırovun işçisindən narkotik və silah götürülüb

Hüseynqulu Bağırovun işçisindən narkotik və silah götürülüb

Zaqatala Dövlət Təbiət Qoruğunda narkotik tərkibli bitkilərin aqrotexniki qaydada əkilməsi faktı aşkarlanıb Ekologiya və Təbii Sərvətlər Nazirliyinin (ETSN) əməkdaşından narkotik və silah götürülüb. Balakən rayon Polis Şöbəsindən verilən xəbərə görə, polisə ETSN-nin Zaqatala Dövlət Təbiət Qoruğunun Balakən rayonu, Katex kəndi ərazisindən keçən hissəsinin 4 saylı dolayında narkotik tərkibli bitkilərin aqrotexniki qaydada əkilməsi barədə məlumat daxil olub. Məlumat əsasında keçirilən tədbirlər nəticəsində dolayın ərazisindəki dörd müxtəlif sahədə küllü miqdarda narkotik tərkibli bitki hesab edilən çətənə kolları aşkarlanıb. Hal şahidlərinin iştirakı ilə ərazidən hündürlüyü 12 sm-dən 39 sm-ə qədər olmaqla, ümumi sayı 781 ədəd çətənə kolları yığılıb, həmçinin qurudulmaq üçün sərilmiş 25,75 qram marixuana və 10 kq yaş halda marixuana götürülüb. Məlum olub ki, çətənə kollarını rayonun Mahamalar kənd sakini, 1971-ci il təvəllüdlü Arif Tacəddin oğlu Fəxrayev və onun həmkəndlisi, 1963-cü il təvəllüdlü Seyfəddin Sədrəddin oğlu Həmzətov əkib. Keçirilmiş tədbir nəticəsində hər iki şəxs tutularaq istintaqa təhvil verilib. Arif Fəxrayevin yaşadığı evin hamamından 277 qram qurudulmuş marixuana, yaşadığı evdən isə sənədsiz nömrəsi A 16505 olan 32 çaplı ov tüfəngi və 4 ədəd patron götürülüb. Məlumatda həmçinin bildirilir ki, saxlanılan Arif Fəxrayev Zaqatala Dövlət Təbiət Qoruğunun Balakən rayonu, Katex kəndi ərazisindən keçən hissəsinin 4 saylı dolayında nəzarətçi işləyir. (Apa.az)

Faktla bağlı araşdırma aparılır.

 

Həmçinin oxuyun

AYNA-nın “menecer”i Anar Rzayev millətin başında qoz sındırmalıdır? – ETİRAZ

Paytaxtda parkinq qiymətlərinin artırılması narazılıq yaradıb. Problem təkcə qiymət artımı deyil, həm də yer “parkovka” …

Bir cavab yazın