Ana səhifə / Araşdırma / Hüquq-mühafizə orqanları əməkdaşları Nardarana səfərbər olunur – RƏSMİ

Hüquq-mühafizə orqanları əməkdaşları Nardarana səfərbər olunur – RƏSMİ

Bakının Sabunçu rayon, Nardaran qəsəbəsində baş verən atışma ilə bağlı bütün rayon prokurorluğunun əməkdaşları hadisə yerinə səfərbər olub.
Bu barədə Sabunçu rayon prokurorunun köməkçisi Ülviyyə Şükürova BAKU.WS-ə açıqlamasında bildirib. Onun sözlərinə görə, hazırda hadisə ilə bağlı araşdırmalara başlanılıb. Araşdırmalardan sonra baş verən atışma və hadisənin nəticələri, səbəbkarlar barədə məlumat veriləcək.
Xatırladaq ki, təxminən bir saat bundan əvvəl Nardalan qəsəbəsində atışma baş verib. Kütləvi informasiya vasitələrinin yazdıqlarına görə, silahlı insident nəticəsində 5 nəfər ölüb və bir neçə nəfər yaralanıb. Deyilənlərə görə, ölənlərdən 3 nəfəri polisə məkdaşıdır. Hadisə  nəticəsində daha bir neçə polis əməkdaşı yaralanıb. Bildirilir ki, əməliyyat zamanı polisə silahlı müqavimət göstərilib.
O da bildirilir ki, atışma Taleh Bağırzadə saxlanarkən olub. Əməliyyat zamanı Bağırzadənin tərəfdarlarından biri polislərə tərəf qumbara atıb, bundan sonra atışma baş verib. İnsidentin Nardaranda “Rəhimə xanım” ziyarətgahının yaxınlığında namaz vaxtı baş verdiyi bildirilir.
3 saylı Klinik Xəstəxananın baş həkimi Fikrət Zeynalov bildirib ki, xəstəxanaya 3 yaralı daxil olub.
Baş həkimin sözlərinə görə, onların hər üçünün vəziyyəti ağırdır, odlu silahdan açılan atəşlə yaralanıblar. Yaralıların hamısı gənclərdir, onlardan birinin üzərində təcili əməliyyat aparılıb. Əməliyyat başa çatsa da yaralının vəziyyəti kritik olaraq qalır. Qalan iki yaralının üzərində cərrahiyyə əməliyyatı davam edir.

Həmçinin oxuyun

AYNA-nın “menecer”i Anar Rzayev millətin başında qoz sındırmalıdır? – ETİRAZ

Paytaxtda parkinq qiymətlərinin artırılması narazılıq yaradıb. Problem təkcə qiymət artımı deyil, həm də yer “parkovka” …

Bir cavab yazın