Azinforum.az İnformasiya Portalı Onlayn Xəbər Portalı
Gürcüstanın dövlət təhlükəsizliyi xidməti Ermənistanın üç vətəndaşını və üç gürcünü nüvə materialını qanunsuz yolla satmaq cəhdinə görə saxlayıb.
Gürcüstan mediasının xəbərinə görə, bu barədə GDTX-nin xüsusi işlər üzrə müstəntiqi Savle Motiaşvili bu gün keçirdiyi mətbuat konfransında bildirib.
Təhlükəsizlik xidmətindən verilən məlumata görə, satılması nəzərdə tutulan uran (U-238) maddəsi 200 milyon ABŞ dollarına təklif edilirmiş.
“Onlar cinayətkarlıq faktı əsasında saxlanılıblar. Tutulanlardan birinin evində uran daşınması üçün nəzərəd tutulmuş zavod konteyneri aşkarlanaraq götürülüb. Bu maddənin şüalanma dozası insan orqanizmi üçün olduqca təhlükəlidir”.
Matiaşvili deyib ki, istintaq radiaktiv maddəylə səhlənkar davranış və nüvə materialının alveri faktı üsrə aparılır.
Gürcüstanın cinayət qanunvericiliyinə görə, saxlanılanları 5-10 il həbs cəzası gözləyir.
Aprelin 16-da Tbilisi şəhər mərkəzi saxlanılan 6 nəfər haqqında həbs qətimkan tədbiri seçib.
