“Gənclik Mol”da kütləvi dava – 6 bıçaq zərbəsi

Bakı şəhəri, Nərimanov rayonunda yerləşən “Gənclik Mol” ticarət mərkəzinin giriş qapısının önündə kütləvi dava düşüb.

Report-un xəbərinə görə, “Gənclik Mol” ticarət mərkəzindən çıxan 27 yaşlı Namiq İsmayılov bir neçə şəxsin hücumuna məruz qalıb. Əlbəyaxa dava zamanı N.İsmayılova 6 bıçaq zərbəsi vurulub. N.İsmayılov qanaxmadan huşunu itirib. O, taksi sürücüsünün köməkliyi ilə 1 saylı Şəhər Kliniki Tibbi Mərkəzə yerləşdirilib. Həkimlərin verdiyi məlumata görə, N.İsmayılovun vəziyyəti ağırdır.

Faktla bağlı Nərimanov Rayon Polis İdarəsində araşdırmalara başlanılıb.