Ana səhifə / Araşdırma / Dövlət agentliyi dönər yeyən pişiyin dalınca… – “Kafe Park”da yoxlama

Dövlət agentliyi dönər yeyən pişiyin dalınca… – “Kafe Park”da yoxlama

Bir neçə gün öncə mediada Bakı şəhəri, Nərimanov rayonu, Ağa Nemətulla küçəsində yerləşən “Kafe Park” restoranında pişiyin aparata asılan əti yeməsini əks etdirən görüntülər yayılmışdı. Fakt Azərbaycan Qida Təhlükəsizliyi Agentliyi (AQTA) tərəfindən mediadan götürülərək aidiyyəti üzrə araşdırılıb.

Mia.az AQTA-ya istinadən bildirir ki, araşdırmalar zamanı sözügedən ictimai-iaşə obyektinə baxış keçirilib.

Baxış zamanı kafenin həyətində yüngül metal konstruksiyadan tikilmiş dönər bişirmə sahəsi və 40 nəfər üçün nəzərdə tutulmuş yemək qəbulu zalının və emal sahəsinin texniki-normativ sənədlərin tələblərinə cavab vermədiyi məlum olub.

Baxış zamanı ictimai-iaşə müəssisəsində müxtəlif növ un məmulatlarının hazırlanmasında istifadə olunan xammalların saxlanma şəraiti və emalının normativ qaydalara uyğun aparılmadığı və sanitar-gigiyenik qaydaların tələblərinə cavab vermədiyi təsdiqini tapıb.

Bütün bunları nəzərə alaraq qanunsuz fəaliyyət göstərən sahibkarlıq subyektinin fəaliyyətinə məhdudlaşdırıcı tədbirin tətbiq edilməsi barədə qərar verilib. Sahibkara qanun pozuntularının aradan qaldırılması üçün yerinə yetirməli olduğu konkret tədbirlər barədə məlumat verilib.

Həmçinin oxuyun

Qaradağ rayonu icra başçısı Qarabağ şəhidləri adına olan məscidin torpağının ərazisini qanunsuz olaraq zəbt etdi – FOTOLAR və VİDEO

Dövlət başçısı İlham Əliyev 2000-ci ildə Qaradağ rayonundan millət vəkili olarkən onun təşəbbüsü ilə həmin …