Daşkəsəndə ərinin döydüyü 24 yaşlı qadın komaya düşüb

Daşkəsəndə ər arvadını döyərək, ağır xəsarət yetirib.

APA-nın Qərb bürosunun verdiyi məlumata görə, Daşkəsən rayon sakini, 1993-cü il təvəllüdlü, 3 uşaq anası Cəfərova Xacay Ramiz qızı ağır bədən xəsarətləri ilə Gəncə şəhər Təcili Tibbi Yaradım Xəstəxanasına çatdırılıb. Komada olan qadının vəziyyətinin ağır olduğu bildirilir. Məlumata görə, X. Cəfərovanı həyat yoldaşı Elnur Cəfərov döyüb.

Faktla bağlı Daşkəsən Rayon Polis Şöbəsində araşdırma aparılır.