Bazar , Sentyabr 22 2019
Ana səhifə / Araşdırma / Daşkəsəndə kütləvi dava: 4 yaralı

Daşkəsəndə kütləvi dava: 4 yaralı

Daşkəsən rayonunda baş verən kütləvi dava nəticəsində dörd nəfər xəsarət alıb.

Azinforum.az report-a istinadən xəbər verir ki, hadisə rayonun Əmirvar kəndinin ərazisində baş verib.

Belə ki, Şəmkir rayonunun Könüllü kəndinin sakinləri sürülərini otarmaq məqsədi ilə heyvanlarını Daşkəsən rayonunun ərazisindəki yaylaqlara gətiriblər.

İddiaya görə, yolda heyvanların bir hissəsi Daşkəsən rayonunun Əmirvar kənd sakinləri Alim Alıyev və Fariz Məmmədova məxsus torpaq sahələrinə keçiblər.

Nəticədə çobanlarla torpaq sahibləri arasında yaranan mübahisə münaqişəyə çevrilib.

Kütləvi dava nəticəsində 1990-cı il təvəllüdlü Alim Alıyev beyin silkələnməsi diaqnozu ilə Gəncə Şəhər Təcili Tibbi Yardım Xəstəxanasına çatdırılıb.

Kəllə-beyin travması alan Fariz Məmmədovun vəziyyətinin ağır olduğu və Bakıya göndərildiyi bildirilir.

Daha iki həfərə ambulator yardım göstərilib.

Fakta bağlı Daşkəsən Rayon Polis Şöbəsində araşdırma aparılır.

Həmçinin oxuyun

Anar Məmmədovun adamı-məmur Salamovun türkmən qadınla evliliyi, həbsi və boşanması… Və müəmmalı “Maybach”i

Nəqliyyat Nazirliyinin (hazırda Rabitə və Yüksək Texnologiyalar Nazirliyi ilə birləşdirilib,-red.) Dövlət Avtomobil Nəqliyyatı Xidmətinin keçmiş …

Bir cavab yazın