Şənbə , Oktyabr 24 2020
Ana səhifə / Araşdırma / BMT dünyada qaçqınların sayının artıdğını bəyan edir – 68 milyon…

BMT dünyada qaçqınların sayının artıdğını bəyan edir – 68 milyon…

“2018-ci ilin ortalarına qədər dünyada yaşadıqları yerlərdən məcburən köç edib, başqa ölkələrdən sığınacaq istəyən miqrantların sayı 68 milyona çatıb”.

Musavat.com xarici mediaya istinadən xəbər verir ki, bu barədə BMT-nin Qaçqınların işi üzrə Ali komissarlığından (UNHCR) məlumat verilib.

Qurumdan gələn informasiyaya əsasən, bu, 2017-ci ilin dekabrı ilə müqayisədə 300 min nəfər çoxdur.

“Alman dalğası” saytının bildirdiyinə görə, Almaniyadan sığınacaq almaq üçün ərizə verənlərin say 20 faiz azalıb. Belə ki, 2018-ci ilin ilk 6 ayı ərzində bu ölkəyə sığınmaq üçün gələnlər 81,8 min təşkil edib ki, bu da 2016-cı ilin eyni dövrünün göstəricilərindən (387,7 min) və 2017-ci ilin statistik rəqəmlərindən (101 min) xeyli azdır.

BMT-nin Qaçqınların işi üzrə Ali komissarlığı hazırda miqrasiya böhranının ən çox Livan və Banqladeşdə müşahidə olunduğunu bildirir.

Suriyadan qaçan hər üç insandan biri Türkiyəyə (3,6 milyon), Livana (968,1 min) və İordaniyaya (667, min) pənah aparıb.

Almaniyanın özündə isə 514 min suriyalı qaçqın yaşayır.

Həmçinin oxuyun

Qəbələ və Kürdəmir “Elbrus” raket sistemi ilə vurulub

Erməni hərbi qüvvələri Qəbələ və Kürdəmir bölgələrini hədəf alıb. Bu barədə Azərbaycan Respublikası Ərazilərinin Minalardan …