Bazar , Noyabr 29 2020
Ana səhifə / Araşdırma / Bizə qarşı təxribat edən jurnalisti döyüblər – Video

Bizə qarşı təxribat edən jurnalisti döyüblər – Video

Azərbaycandan deportasiya olunan Rusiyanın “LifeNews” telekanalının çəkiliş qrupu haqqında maraqlı fakt ortaya çıxıb.

“ Azinforum.az ” azxəbər.com-a istinadən xəbər verir ki, telekanalın xanım jurnalisti bundan öncə də Ukraynada təxribat dolu materiallar hazırlayıbmış. Sonuncu dəfə isə o bu sujetlərə görə ukraynalılar tərəfindən döyülüb.

Belə ki, Kiyevdə Rusiya əleyhinə keçirilən aksiyada iştirak edən həmin jurnalist Ukrayna əleyhinə müsahibə hazırlayarkən aksiya iştirakçıları onun başında yumurta sındırıblar. Bundan başqa ukraynalı xanım jurnalistlərdən biri onun gözünə gözyaşardıcı qaz sıxaraq təhqirlər edib.

Xatırladaq ki, “LifeNews” telekanalının çəkiliş qrupu Dağlıq Qarabağ münaqişəsi ilə bağlı Tərtərdə təxribat xarakterli, yalan məlumatlar hazırlayıb. Kanalın hazırladığı materialda Tərtər sakinlərindən müsahibələr alınsa da, müsahibələr tərcümədə təhrif olunub. Belə ki, rayon sakinləri qorxmadıqlarını və heç yerə getməyəcəklərini desələr də, müxbir onların fikrini “bizə müharibə lazım deyil” deyə tərcümə edib.

Azərbaycanın Xarici İşlər Nazirliyinin mətbuat xidmətinin rəhbəri Hikmət Hacıyevin mətbuata verdiyi açıqlamaya görə sözügedən kanalın çəkiliş qrupu artıq ölkədən deportasiya olunub və bu telekanalın rəhbərinin erməni Aşot Qabrielyan olduğu təsdiqini tapıb.

Həmçinin oxuyun

Yoluxanların sayı yenə artdı

Azərbaycanda bu gün koronavirus infeksiyasına 3712 yeni yoluxma faktı qeydə alınıb, 1359 nəfər müalicə olunaraq …

Bir cavab yazın