Cümə axşamı , Aprel 18 2024
Ana səhifə / Araşdırma / “Bıçaqla atamın boğazını üzdü”- Dəhşətli qətlin təfərrüatları – (VİDEO)

“Bıçaqla atamın boğazını üzdü”- Dəhşətli qətlin təfərrüatları – (VİDEO)

“Araları yaxşı idi”
Ağdaşda qətl hadisəsi baş verib.
ARB TV xəbər verir ki, şəhər sakini, əvəllər məhkum olunmuş Ramazan Qurbanov yol kənarındakı avtoyuma məntəqəsinin yanında şəxsi münasibətlər zəminində aralarında baş verən dava zamanı Ağdaş rayonu Qolqəti kənd sakini, 46 yaşlı Abubəkr Baxşəliyevə boğaz, qarın və kürək nahiyəsindən 7 bıçaq xəsarəti yetirərək onu amansızlıqla qətlə yetirib.
Mərhumun qardaşı Mahir Baxşəliyev qətlin ona 6500 manat pul borclu olan Aslan və Həmid adlı şəxslərin sifarişi ilə törədildiyini iddia edir. Onun sözlərinə görə, qatillər qardaşını yox, onun özünü öldürəcəkdilər. Bu barədə əvvəlcədən ona xəbərdarlıq da ediblərmiş.
Qətlə yetirilən şəxsin oğlu Ruslan Baxşəliyev isə atasını öldürən Ramazan adlı şəxsi tanıdığını və dostluq münasibətləri olduğunu deyib: “Araları yaxşı idi. Atama söz atdı, sonra atam özünü müdafiə edən zaman bıçağı çıxardıb boğazını üzdü. Atamın heç kimlə işi olmurdu. Fəhlə adam idi”.
Hadisəni törədən Ramazan Qurbanov qaçıb gizlənsə də, Ağdaş rayon Polis Şöbəsinin əməkdaşları tərəfindən saxlanılaraq istintaqa təhvil verilib. Faktla bağlı Ağdaş rayon Prokurorluğu tərəfindən araşdırma aparılır.

Həmçinin oxuyun

İdman Akademiyası aprel ayında Novruz tədbiri keçirəcək?

Azərbaycan Dövlət Bədən Tərbiyyəsi və İdman Akademiyası tərəfindən keçirilən tender müsabiqəsinin (Kotirovka sorğusu) qalibi məlum …

Bir cavab yazın