Bu gün səhər saatlarında qətlə yetirilən xanım bələdiyyə sədrinin doğum günü imiş.
“Qafqazinfo” xəbər verir ki, Saray bələdiyyəsinin sədri Vəsilə Əbilhəsənova 1976-cı il iyunun 8-də doğulub, bu gün isə 39 yaşı olurmuş. O, “Facebook” sosial şəbəkəsinin aktiv istifadəçilərdən biri olub və virtual dostları bu itkiyə inana bilmədiklərini bildirirlər.
Qeyd edək ki, Vəsilə Əbilhəsənovanı və ərini qətlə yetirməkdə ittiham olunan Fədail Hüseynov saxlanılıb. Mərhum sədr və əri Vəfadar Əbilhəsənov xüsusi qəddarlıqla öldürülüb. Belə ki, birinci Vəsilə Əbilhəsənovanın başını kəsiblər, həyat yoldaşının isə güllə ilə ürəyindən vurublar. İzi itirmək üçün isə evi yandırıblar.