Bakıda qayının yeznəsini qətlə yetirməsinin təfərrüatı məlum olub.
Daxili İşlər Nazirliyinin mətbuat xidmətindənAxar.az-a verilən məlumata görə, Tərtər sakini Ziya Əzizov borcunu istəyən bacısı əri, Bərdə sakini Vasif İsmayılovu öldürüb.
Z.Əzizovun yaşadığı Bakıxanov qəsəbəsindəki yataqxanaya verdiyi pul borcunu almağa gələn V.İsmayılovla mübahisə yaranıb. Z.Əzizov ona bıçaqla xəsarət yetirib və hadisə yerini tərk edib.
Xəstəxanaya yerləşdirilmiş V.İsmayılov orada dünyasını dəyişib. Hadisə yanvarın 20-də baş verib. Əməliyyat-axtarış tədbirləri nəticəsində Z.Əzizov tutulub.