Ana səhifə / Araşdırma / Bakıda polisin saxladığı şəxs dünyasını dəyişdi

Bakıda polisin saxladığı şəxs dünyasını dəyişdi

Bakıda polis tərəfindən saxlanılan şəxs dünyasını dəyişib.
APA-nın məlumatına görə, hadisə ötən gün qeydə alınıb. Ağır yol qəzası törətməkdə təqsirli bilinərək Binəqədi Rayon Polis İdarəsində saxlanılan, 1969-cu il təvəllüdlü Füzuli Mahal oğlu Əhmədovun vəziyyəti qəfildən pisləşib. Təcilli xəstəxanaya aparılan F. Əhmədov həkimlərin səyinə baxmayaraq, dünyasını dəyişib.
İlkin məlumata görə, ölümə yüksək təzyiq səbəb olub.
İşgəncələrə Qarşı Azərbaycan Komitəsinin sədri, hüquq müdafiəçisi Elçin Behbudov və köməkçisi Rövşən Məmmədov ölüm faktı ilə bağlı araşdırma aparıblar.
Bu barədə sayta məlumat verən E. Behbudov bildirib ki, noyabrın 2-də saat 16:40 radələrində yol qəzası törətməkdə təqsirləndirilən Əhmədov Fizuli Mahal oğlu İstintaq təcridxanasına gətirilib. Həmin gün saat 22:10-da qəflətən vəziyyəti pisləşib. Dərhal təcili tibbi yardım çağırılıb. Xəstəxanaya aparılan F. Əhmədov noyabrın 3-də saat 05:45 radələrində xəstəxanada ölüb.
Faktla bağlı cinayət işi başlanılıb, araşdırma aparılır.

 

Həmçinin oxuyun

Rza Talıbov bu məsələyə görə Fuad Nəcəfli ilə Naxçıvanda görüşmək istəyib…

Bir neçə gün əvvəl Naxçıvan Ali Məclisində qəribə bir gərginlik yaşanıb. Muxtar respublikadakı mənbələrdən Azpolitika.info-ya …

Bir cavab yazın