Şənbə , Yanvar 23 2021
Ana səhifə / Araşdırma / Bakıda “Maqa” ləqəbli dilənçinin boyun damarı kəsildi

Bakıda “Maqa” ləqəbli dilənçinin boyun damarı kəsildi

Bakıda dilənçiliklə məşğul olan şəxsin boyun damarı kəsilib.

“Report”un xəbərinə görə, hadisə Nəsimi rayonu ərazisində Olimp mağazasının yaxınlığında qeydə alınıb.

Belə ki, 44 yaşlı Məmmədov Mətləb Vəzir oğluna tanımadığı şəxslər yaxınlaşıb. Onlar ülgüclə M.Məmmədovun boyun nahiyəsini kəsiblər. Hadisə M.Məmmədovun küçədə dilənçilik edən iki övladının gözləri qarşısında baş verib.

Övladlarının köməkliyi ilə M.Məmmədov xəstəxanaya çatdırılıb. Həkimlərin verdiyi məlumata görə, M.Məmmədovun boyun damarı kəsilib. O, əməliyyat olunub, vəziyyəti ağırdır.

Faktla bağlı Nəsimi Rayon Polis İdarəsinin 20-ci bölməsinin əməkdaşları araşdırma aparır. İlkin araşdırmalara görə, M.Məmmədov sərxoş vəziyyətdə olub. O tanımadığı şəxslərə söyüş söyüb.

Qeyd edək ki, M.Məmmədov avara və dilənçilər arasında “Maqa” ləqəbi ilə tanınır.

Həmçinin oxuyun

Əhmədzadənin kadırları bir gündə milyonluq müqavilələr bağladı – Tender əməliyyatı

Salyan Suvarma Sistemləri İdarəsi bir gündə 5 tenderlə bağlı ümumi dəyəri 1 milyon 285 min …

Bir cavab yazın