Cümə , Yanvar 15 2021
Ana səhifə / Araşdırma / Bakıda gənc oğlanla polis arasında mübahisə: “Mən o qıza heçnə eləməmişəm” – VİDEO

Bakıda gənc oğlanla polis arasında mübahisə: “Mən o qıza heçnə eləməmişəm” – VİDEO

Ötən gecə Bakı metropoliteninin Koroğlu stansiyasında 3 gənc qatarın hərəkətinin dayandırılmasına səbəb olub.

Hadisə şahidlərinin Oxu.Az-a verdiyi məlumata görə, 3 gənc qatarda qadın sərnişinin yanında əyləşib.

Xanım isə həmin gənclərin ona sataşdığını iddia edib.

Məsələ böyüdüyündən polis hadisəyə müdaxilə edib. Polis gəncləri qatardan çıxarmaq istəsə də, gənclərin müqaviməti ilə qarşılaşıb.

Sonradan polis gəncləri qatardan çıxarmağa müvəffəq olub.

Bakı metropoliteninin mətbuat xidmətinin rəhbəri Nəsimi Paşayev Oxu.Az-a bildirib ki, hadisə 23:15-də Həzi Aslanov–Dərnəgül xətti üzrə hərəkət edən 32 saylı qatarda baş verib.

“Qatarda olan 3 gəncin xanıma sataşdığı və buna görə mübahisə yarandığı güman olunur. Qatar Koroğlu stansiyasında saxlanılıb və həmin şəxslər polisə təhvil verilib”.

Nəsimi Paşayev bildirib ki, qatarların hərəkətində 4 dəqiqə fasilə yaranıb.

Həmçinin oxuyun

Vüqar Səfərli milyonlar mənimsəyib – RƏQƏMLƏR

Ləğv edilən Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) keçmiş direktoru Vüqar Səfərlinin mənimsədiyi …

Bir cavab yazın